టాలీవుడ్ సెన్సేషనల్ హీరో విజయ్ దేవరకొండ నటించిన ‘లైగర్’ సినిమా ఇటీవల ప్రేక్షకుల ముందుకొచ్చిన సంగతి తెలిసిందే. భారీ అంచనాల మధ్య విడుదలైన ఈ సినిమా డిజాస్టర్ గా నిలిచింది. ఏకంగా రూ.60 కోట్ల వరకు నష్టాలు వచ్చినట్లు సమాచారం. రౌడీ హీరో కెరీర్ లో ఇప్పటివరకు విడుదలైన సినిమాల్లో ఇదే బిగ్గెస్ట్ ప్లాప్ అని చెప్పారు. ఈ సినిమా విడుదలై వారం రోజులు పూర్తి కావడంతో చాలా థియేటర్ల నుంచి సినిమాను తీసేశారు.
ఈ సినిమాకి కేటాయించిన థియేటర్లను కొత్త సినిమాలకు ఇచ్చేశారు. ఇక నుంచి ఈ సినిమాకి కలెక్షన్స్ రావడం కూడా కష్టమే. ఇప్పుడు ఈ సినిమా ప్రభావం విజయ్ నెక్స్ట్ సినిమా ‘ఖుషి’ మీద పడుతోంది. విజయ్ దేవరకొండ, సమంత మొదటిసారి కలిసి నటించిన ఈ సినిమా ఇప్పటికే సగానికి పైగా షూటింగ్ పూర్తి చేసుకుంది. మొదటి డిసెంబర్ లో సినిమాను రిలీజ్ చేయాలనుకున్నారు. కానీ ఇప్పుడు రిలీజ్ వాయిదా పడేలా ఉంది.
అఖిల్ నటించిన ‘ఏజెంట్’ సినిమా గనుక డిసెంబర్ మూడో వారంలో రాకపోతే ‘ఖుషి’ని రిలీజ్ చేసే ఛాన్స్ ఉంది. అయితే ఎంతలేదన్నా ‘లైగర్’ సినిమా ఎఫెక్ట్ కచ్చితంగా ‘ఖుషి’పై పడుతుంది. అందులోనూ దర్శకుడు శివ నిర్వాణ లాస్ట్ సినిమా ‘టక్ జగదీష్’ ప్లాప్ అయింది. ఇవి సరిపోవన్నట్లు పవన్ కళ్యాణ్ క్లాసిక్ సినిమా టైటిల్ ని ఈ సినిమాకి పెట్టారు.
ఈ సినిమా టైటిల్ అనౌన్స్మెంట్ వచ్చిన సమయంలో పవన్ కళ్యాణ్ ఫ్యాన్స్ నుంచి కొంత వ్యతిరేకత కనిపించింది. టైటిల్ మార్చాల్సిందే అంటూ డిమాండ్ చేశారు. కానీ ఆ తరువాత సైలెంట్ అయిపోయారు. ‘ఖుషి’ సినిమా టాక్ ఏమాత్రం అటు ఇటు ఉన్నా.. పవన్ ఫ్యాన్స్ ట్రోలింగ్ మొదలుపెట్టేస్తారు. అన్ని రకాలుగా ఈ సినిమాపై ప్రెజర్ ఉంది. మరి వాటిని దాటుకొని ఈ సినిమా సక్సెస్ అవుతుందేమో చూడాలి!
Most Recommended Video
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
Home