Maa Oori Polimera 2: బాలయ్య సినిమాను క్రాస్ చేసిన పొలిమేర-2..!

ఓటీటీ వచ్చిన తర్వాత చిన్న సినిమాలకు క్రేజ్ బాగా పెరిగింది. ఒక విధంగా చెప్పాలంటే స్టార్ హీరోల సినిమాలకంటే కూడా ఇప్పుడు ఎక్కువగా చిన్న సినిమాలే ఆడియన్స్ కి అద్భుతమైన సినిమాటిక్ అనుభూతిని అందిస్తున్నాయి. అలాంటి సినిమాలలో ఒకటి ‘మా ఊరి పొలిమేర’ చిత్రం. 2021 వ సంవత్సరం డిసెంబర్ 10 వ తారీఖున డిస్నీ + హాట్ స్టార్ లో నేరుగా విడుదలైన ఈ సినిమాకి ఆడియన్స్ నుండి అద్భుతమైన ఆదరణ దక్కింది.

సినిమా క్లైమాక్స్ లో ఫ్యూజులు ఎగిరిపోయి ట్విస్ట్ ఒకటి పెట్టి, పార్ట్ 2 కోసం ఆడియన్స్ లో ఉత్కంఠ ని నెలకొల్పేలా చేసింది ఈ చిత్రం. రీసెంట్ గానే ఈ చిత్రానికి సీక్వెల్ ‘మా ఊరి పొలిమేర 2 ‘ థియేటర్స్ లో గ్రాండ్ గా విడుదలైంది. ఓటీటీ లో విడుదలైన సినిమా సీక్వెల్ కి థియేటర్స్ లో ఎంత మాత్రం ఆదరణ దక్కుతుందిలే అని అనుకున్నారు ట్రేడ్ పండితులు.

కానీ వారి అంచనాలను తలక్రిందులు చేస్తూ, ఈ ‘మా ఊరి పొలిమేర 2 ‘ చిత్రానికి అద్భుతమైన ఓపెనింగ్స్ దక్కాయి. ముఖ్యంగా యూత్ ఆడియన్స్ అయితే ఈ చిత్రానికి మొదటి రోజు బ్రహ్మరథం పట్టారు. ట్రేడ్ వర్గాల లెక్కల ప్రకారం ఈ సినిమాకి మొదటి రోజు దాదాపుగా మూడు కోట్ల రూపాయిల గ్రాస్ వసూళ్లు వచ్చాయి. అంటే కోటి 70 లక్షల రూపాయిల షేర్ వసూళ్లు అన్నమాట. ఇక రెండవ రోజు అయితే మొదటి రోజు కంటే ఎక్కువ వసూళ్లు వచ్చాయట.

రెండు తెలుగు రాష్ట్రాలతో పాటుగా ఓవర్సీస్ వసూళ్లను కూడా కలిపి ఈ చిత్రానికి రెండవ రోజు 2 కోట్ల రూపాయలకు పైగానే షేర్ వసూళ్లు వచ్చాయట. ఈ వీకెండ్ లో బాలయ్య బాబు సూపర్ హిట్ ‘భగవంత్ కేసరి‘ చిత్రం కంటే ఈ చిత్రానికి రెండు రెట్లు ఎక్కువ వసూళ్లు వచ్చాయట. అలా రెండు రోజుల్లో నాలుగు కోట్ల రూపాయిల షేర్ వసూళ్లను సాధించి బ్రేక్ ఈవెన్ మార్కుని అందుకొని క్లీన్ సూపర్ హిట్ స్టేటస్ ని సొంతం చేసుకున్న ఈ సినిమా (Maa Oori Polimera 2) ఫుల్ రన్ లో ఎక్కడ దాకా వెళ్లి ఆగుతుందో చూడాలి.

మా ఊరి పొలిమేర 2 సినిమా రివ్యూ & రేటింగ్!

కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!