టాలీవుడ్ యంగ్ డైరెక్టర్ మరియు యాక్టర్ అయిన తరుణ్ భాస్కర్ మరోసారి వార్తల్లో నిలిచాడు. గతంలో అవార్డుల విషయమై ఎన్టీఆర్ ‘జనతా గ్యారేజ్’ సినిమా పై కామెంట్స్ చేసి.. ఎన్టీఆర్ అభిమానులకు ఆగ్రహానికి గురయ్యాడు తరుణ్ భాస్కర్. వాళ్ళు ఈ యంగ్ డైరెక్టర్ ను ఓ రేంజ్లో ట్రోల్ చేశారు. కానీ ఆ ట్రోలింగ్ ను తరుణ్ భాస్కర్ పట్టించుకోలేదు. ఇదిలా ఉంటే.. ఇప్పుడు మహేష్ బాబు ఫ్యాన్స్ ను అలాగే టాలీవుడ్ కమర్షియల్ సినిమాల పై నెగిటివ్ కామెంట్స్ చేసి .. సూపర్ స్టార్ అభిమానులకు ఆగ్రహం తెప్పించాడు. వివరాల్లోకి వెళితే తరుణ్ భాస్కర్.. మలయాళ మూవీ ‘కప్పెల’ గురించి తన అభిప్రాయాన్ని చెబుతూ తన ఇన్‌స్టాగ్రామ్ లో స్టోరీ పెట్టాడు.
‘‘హీరో పిచ్చోడిలా పెద్ద ఎత్తున రీసౌండ్ చేసుకుంటూ అరవడు. అతనే తెలివైనవాడు అన్నట్టు ప్రతి డైలాగ్‌లో సామెత చెప్పడు. ఎక్స్‌ట్రీమ్ స్లో మోషన్లో ఫిజిక్స్ ఫెయిలయ్యేలా ఫైట్లు ఉండవు. ప్రతి రెండు నిమిషాలకూ హీరో ఎంట్రీ ఉండదు. చివరి పది నిమిషాల్లో రాండమ్‌గా రైతుల గురించో, సైనికుల గురించో, దేశం గురించో మెసేజ్ లు ఉండవు. మరి దీన్ని కూడా సినిమా అంటారు ఆ ఊర్లో’’.. అంటూ తరుణ్ తన ఇన్స్టా స్టోరీలో చెప్పుకొచ్చాడు. అయితే టాలీవుడ్ కమర్షియల్ సినిమాల గురించి గట్టి కౌంటర్లే వేసాడు తరుణ్ అని అందరికీ అర్ధమవుతుంది.
అక్కడితో ఊరుకుంటే సరిపోయేది.. కానీ చివర్లో ‘పది నిమిషాల్లో రైతులు, సైనికులు, దేశం గురించి మెసేజ్ లు ఉండవు’ అని చేసిన కామెంట్స్ ను బట్టి.. మహేష్ సినిమాలు అయిన ‘మహర్షి’, ‘సరిలేరు నీకెవ్వరు’ నే టార్గెట్ చేసాడని క్లియర్ గా తెలుస్తుంది. దీంతో మహేష్ ఫ్యాన్స్ తరుణ్‌ను ఓ ఆట ఆడేసుకుంటున్నారు. ‘ఐడెంటిటీ లేకుండా ఫేక్ ఐడీలతో నన్ను ట్రోల్ చేసేవాళ్లను నేను పట్టించుకోను’ అంటూ తరుణ్ కూడా తిరగబడినా వారు ఆగడం లేదు. తరుణ్ హీరోగా మారి నటించిన ‘మీకు మాత్రమే చెప్తా’ సినిమా టైంలో మహేష్ బాబు చేతే ప్రమోషన్స్ చేయించుకున్నాడు’ అన్న విషయం.. బహుశా మరిచిపోయాడేమో..!
Most Recommended Video
మన టాలీవుడ్ డైరెక్టర్లు లేడీ అవతారాలు ఎత్తితే ఇలానే ఉంటారేమో !!
చిరు ఫ్యాన్స్ ను నిరాశ పరిచిన సినిమాలు ఇవే..!
ఆ డైరెక్టర్లకు ఛాన్స్ ఇచ్చింది మన రవితేజనే..!
మన హీరోలు అందమైన అమ్మాయిలుగా మారితే ఇలాగే ఉంటారేమో!
