మహేష్ కు స్ట్రాంగ్ రిప్లై ఇచ్చిన కమల్ హాసన్..!

టాలీవుడ్ సూపర్ స్టార్ మహేష్ బాబు ట్విట్టర్ లో చాలా యాక్టివ్ గా ఉంటాడు అన్న సంగతి అందరికీ తెలిసిందే. తాను నటించే సినిమాలకి సంబందించిన అప్డేట్స్ ఇవ్వడం మాత్రమే కాకుండా.. మిగిలిన హీరోల సినిమాల పైన కూడా తన అభిప్రాయాన్ని తెలియచేస్తుంటాడు. అంతేకాదు తన సన్నిహితులకు కూడా పుట్టినరోజు వేడుకలు తెలియజేస్తుంటాడు. ఇటీవల యూనివర్సల్ హీరో కమల్ హాసన్ 65వ పుట్టిన రోజు కావడంతో ఆయనకి శుభాకాంక్షలు తెలియజేస్తూ. ‘సినిమా రంగానికి మీరందించిన సేవలు అసామాన్యం సర్. 60 ఏళ్ళ సినిమా కెరీర్ ను పూర్తిచేసుకున్నందుకు శుభాభినందనలు. మీ సేవలు ఇండస్ట్రీకి మరింత అవసరం” అంటూ ట్వీట్ చేశాడు.

ఈ ట్వీట్ చూసిన కమల్ హాసన్ తాజాగా స్పందించాడు. కమల్ తన ట్విట్టర్ ద్వారా స్పందిస్తూ “థాంక్యూ సో మచ్ మహేష్ గారూ..! మీరు కూడా నాలాగే చైల్డ్ ఆర్టిస్ట్ గా కెరీర్ ప్రారంభించి, అగ్రశ్రేణి హీరోగా ఎదిగారు. మీ హృదయపూర్వక శుభాకాంక్షలను వినమ్రంగా స్వీకరిస్తున్నాను. మీకు అంతా శుభం జరగాలని కోరుకుంటున్నాను” అంటూ పేర్కొన్నాడు. ఇక కమల్ హాసన్ ప్రస్తుతం శంకర్ డైరెక్షన్లో ‘ఇండియన్2’ సినిమా చేస్తున్నాడు. ఈ చిత్రం పూర్తయిన తర్వాత పూర్తిగా సినిమాలకి గుడ్ బై చెప్పబోతున్నట్టు కూడా ఇదివరకే ప్రకటించారు కమల్.

17 ఏళ్ళ కెరీర్లో ప్రభాస్ రిజెక్ట్ చేసిన సినిమాలేంటో తెలుసా..?
వయసుకు మించిన పాత్రలు చేసి మెప్పించిన టాలీవుడ్ హీరోలు..!
తిప్పరామీసం సినిమా రివ్యూ & రేటింగ్!
ఏడు చేపల కథ సినిమా రివ్యూ & రేటింగ్!