సూపర్ స్టార్ మహేష్ బాబు రాజమౌళి కాంబినేషన్ మూవీపై ప్రేక్షకుల్లో ఊహించని స్థాయిలో క్రేజ్ పెరుగుతున్న సంగతి తెలిసిందే. ఈ సినిమా షూటింగ్ పూర్తి కావడానికి రెండు నుంచి మూడు సంవత్సరాల సమయం పట్టే అవకాశం అయితే ఉంది. అయితే చాలామంది దర్శకులు మహేష్ బాబుతో సినిమా తీయడానికి ఆసక్తి చూపిస్తూ కథలు చెప్పే ప్రయత్నాలు చేస్తున్నారు. అయితే జక్కన్న మూవీ పూర్తయ్యే వరకు మహేష్ బాబు కొత్త కథలు వినడానికి ఆసక్తి చూపనని చెప్పారట.
ప్రస్తుతం రాజమౌళి సినిమాపైనే పూర్తిస్థాయిలో దృష్టి పెట్టిన (Mahesh Babu) మహేష్ బాబు ఈ సినిమాపై మాత్రమే పూర్తిస్థాయిలో దృష్టి కేంద్రీకరించాలని ఈ నిర్ణయం తీసుకున్నారని సమాచారం అందుతోంది. మహేష్ రాజమౌళి కాంబో మూవీ ఈ ఏడాది మే నెల నుంచి మొదలుకానుందని ఈ మూవీ నిర్మాత నుంచి క్లారిటీ వచ్చింది. ఈ సినిమా ప్రీ ప్రొడక్షన్ పనుల కోసమే జక్కన్న ఎక్కువ సమయం కేటాయిస్తున్నారని తెలుస్తోంది.
రాజమౌళి రెమ్యునరేషన్ సైతం భారీ రేంజ్ లో ఉండగా మహేష్ రాజమౌళి కాంబో మూవీ బాక్సాఫీస్ వద్ద చరిత్ర సృష్టిస్తుందని కొంతమంది సోషల్ మీడియా వేదికగా కామెంట్లు చేస్తున్నారు. రాజమౌళి నెక్స్ట్ లెవెల్ ప్రాజెక్ట్ లతో ప్రేక్షకులను మెస్మరైజ్ చేయడం ఖాయమని కామెంట్లు వినిపిస్తున్నాయి. రాజమౌళి ఈ సినిమా స్క్రిప్ట్ పై ఏడాదికి పైగా వర్క్ చేశారని సమాచారం అందుతోంది.
విజయేంద్ర ప్రసాద్ ఈ సినిమా కోసం అద్భుతమైన స్క్రిప్ట్ ను సిద్ధం చేశారని తెలుస్తోంది. విజయేంద్ర ప్రసాద్ కు ఇతర భాషల్లో సైతం క్రేజ్ పెరుగుతోంది. ప్రస్తుతం రాజమౌళి సినిమాలకు మాత్రమే విజయేంద్ర ప్రసాద్ కథలను అందిస్తున్నారు. 1000 కోట్ల రూపాయలకు పైగా బడ్జెట్ తో తెరకెక్కుతున్న ఈ సినిమా పాన్ వరల్డ్ స్థాయిలో సంచలనాలు సృష్టిస్తుందని ఫ్యాన్స్ ఫీలవుతున్నారు.
భామా కలాపం 2 సినిమా రివ్యూ & రేటింగ్!
భ్రమయుగం సినిమా రివ్యూ & రేటింగ్!
రాజధాని ఫైల్స్ సినిమా రివ్యూ & రేటింగ్!
Home