‘అర్జున్ రెడ్డి’ ఫేమ్ దర్శకుడు సందీప్ రెడ్డి వంగా తన తదుపరి సినిమా ప్రభాస్ తో చేయబోతున్నారు. ఈ సినిమాకి సంబంధించిన అధికార ప్రకటన వచ్చేసింది. దీనికి ‘స్పిరిట్’ అనే టైటిల్ ను ఫిక్స్ చేశారు. ప్రభాస్ కెరీర్ లో మైలురాయిగా తెరకెక్కనున్న ఈ సినిమాపై ప్రేక్షకుల్లో భారీ అంచనాలు నెలకొన్నాయి. ప్రస్తుతం రణబీర్ కపూర్ తో ‘యానిమల్’ సినిమాను తెరకెక్కిస్తున్న సందీప్ అది పూర్తయిన తరువాత ప్రభాస్ సినిమాకి సంబంధించిన పనులను మొదలుపెడతారు.
ఇక ప్రభాస్ ను పవర్ ఫుల్ క్యారెక్టర్ లో చూపించబోతున్నాడట సందీప్ రెడ్డి. ఇండస్ట్రీలో ప్రభాస్ ఇమేజ్ ను మార్చే రోల్ అని చెబుతున్నారు. అయితే ఇప్పుడు ఈ సినిమా కథకు సంబంధించిన ఓ ఆసక్తికర విషయంలో ఇండస్ట్రీలో చక్కర్లు కొడుతోంది. అదేంటంటే.. ‘అర్జున్ రెడ్డి’ సినిమా తరువాత సందీప్ రెడ్డి వంగా.. మహేష్ బాబుతో సినిమా చేయాలనుకున్నారు. అప్పట్లో మహేష్ బాబుని కలిసి ఓ లైన్ కూడా ఫైనలైజ్ చేసుకున్నారు సందీప్ రెడ్డి.
రీసెంట్ గా మహేష్ బాబు పుట్టినరోజు నాడు ట్విట్టర్ స్పేసెస్ లో పాల్గొన్న సందీప్ రెడ్డి.. మహేష్ తో ఫ్యూచర్ లో సినిమా ఉంటుందని ఫ్యాన్స్ తో చెప్పారు. అయితే సందీప్ సిద్ధం చేసిన కథ మహేష్ కి నచ్చలేదట. అదే కథను రీరైట్ చేసి ప్రభాస్ కి వినిపించగా.. ఆయన సింగిల్ సిట్టింగ్ లో కథ ఓకే చేశారట. అయితే దీనిపై ఎలాంటి అఫీషియల్ కన్ఫర్మేషన్ లేదు. సందీప్ రెడ్డి ఏమైనా క్లారిటీ ఇస్తారేమో చూడాలి!
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
Home