“విన్నర్” లోని “సితార” పాటను రిలీజ్ చేయనున్న మహేష్ బాబు

మెగా హీరో సాయిధరమ్ తేజ్, ఫిట్ బ్యూటీ రకుల్ ప్రీత్ సింగ్ హీరో హీరోయిన్లుగా నటించిన చిత్రం విన్నర్. క్రీడా నేపథ్యంలో సాగే ఈ కథలో రకుల్ అథ్లెట్ గా కనిపించనుంది. తేజు ఫ్యాషన్ మేగజైన్ ఎడిటర్‌గా అలరించనున్నారు. గోపిచంద్ మలినేని దర్శకత్వంలో నల్లమలపు బుజ్జి, ఠాగూర్ మధులు సంయుక్తంగా ఈ చిత్రాన్ని నిర్మించారు. సంక్రాంతికి రిలీజ్ అయిన టీజర్ లో “నీలాంటోడు అడుగడుగునా ఉంటాడు. నాలాంటోడు చాలా అరుదుగా ఉంటాడు’ అంటూ ‘సాయిధరమ్ తేజ్’ డైలాగ్ తో సినిమాపై అంచనాలను పెంచారు.

ఈ నెలలో థియేటర్లలోకి రానున్న ఈ మూవీ ఆడియో ని రిలీజ్ చేసే పనిలో చిత్రబృందం పడింది. రిలీజ్ వేడుక నిర్వహించకుండానే ఒక్కొక్క పాటను సోషల్ మీడియాలో రిలీజ్ చేయడానికి సిద్ధమైంది. మెగా కుటుంబానికి ఈ విధానం కలిసి  వస్తుండడంతో తేజు అదే ఫాలో అవుతున్నారు. ఈ రోజు సాయంత్రం చిత్రంలోని “సితార” అనే మొదటి పాటను సూపర్ స్టార్ మహేష్ బాబు విడుదల చేయనున్నట్టు టీం ప్రకటించింది. తన కుమార్తె పేరుతో ఉన్న ఈ పాటను విడుదల చేసేందుకు మహేష్ ఓకే అనడంతో సాయిధరమ్ తేజ్ సంతోషంతో ఉన్నారు. ఈ సాంగ్ కోసం మెగా అభిమానులు వెయిటింగ్ చేస్తున్నారు.

Also, do SUBSCRIBE to our YouTube channel to get latest Tollywood updates.