సూపర్ స్టార్ మహేష్ బాబు పెద్ద పెద్ద అవార్డుల కార్యక్రమాలకు కూడా దూరంగా ఉంటారు. సినిమా షూటింగ్ కి పేకప్ చెబితే చాలు ఇంట్లో వాలిపోతారు. బయట కనిపించడానికి ఇష్టపడరు. కానీ ఈ మధ్య తెలుగు చిత్రపరిశ్రమలో ఆరోగ్యకరమైన వాతావరణానికి స్టార్ హీరోలు నడుం బిగించారు. అభిమానుల మధ్య వైరాన్ని దూరం చేయడానికి తామంతా ఒకటేనని చాటి చెబుతున్నారు. భరత్ అనే నేను ప్రీ రిలీజ్ వేడుకకు ఎన్టీఆర్ హాజరై కొత్త సంప్రదాయానికి తెరలేపారు. కుటుంబ హీరోల కార్యక్రమాలకే కాకుండా ఇతర హీరోల ఫంక్షన్స్ కి హాజరుకావాలని స్టార్ హీరోలు నిర్ణయం తీసుకుకున్నారు. ఈ విషయాన్నీ మహేష్ వేదికపైన చెప్పారు. సూపర్ స్టార్ చెప్పినట్టుగానే మాట నిలబెట్టుకుంటున్నారు.
అల్లరి నరేష్ సినిమాకు సంబంధించిన వేడుకకు వెళ్లడానికి ఒకే చెప్పారు. అల్లరి నరేష్, సునీల్ కి ఈ మధ్య విజయం ఆమడదూరంలో ఉంటోంది. వరుసగా అపజయాలు చూస్తున్నారు. అందుకే ఇద్దరూ కలిసి భీమనేని శ్రీనివాసరావు దర్శకత్వంలో సిల్లి ఫెలోస్ అనే సినిమా చేశారు. ఈ చిత్ర ఫస్ట్ లుక్ రీసెంట్ గా రిలీజ్ అయి ఆకట్టుకుంది. ఈ సినిమాకి ఎలాగైనా క్రేజ్ తీసుకురావాలని అల్లరి నరేష్ భావించారు. అందుకే తన లేటెస్ట్ ఆన్ స్క్రీన్ ఫ్రెండ్ మహేష్ ని గెస్ట్ గా పిలిచారు. తన 25వ సినిమాలో క్లోజ్ ఫ్రెండ్ గా నటిస్తున్న నరేష్ అడిగిన వెంటనే మహేష్ ఒప్పుకున్నారు. సిల్లి ఫెలోస్ ప్రీ రిలీజ్ వేడుకకు మహేష్ వస్తే సినిమాకి బలమవుతుందని.. భారీ విజయానికి దోహదం చేస్తుందని చిత్ర బృందం భావిస్తోంది.
Home