రాజమౌళితో మహేష్ బాబు 25 వ చిత్రం..!

సూపర్ స్టార్ మహేష్ బాబు 25 వ చిత్రాన్ని ఎవరు డైరక్ట్ చేస్తారనే విషయంపై క్లారిటీ వచ్చింది. ప్రస్తుతం తమిళ దర్శకుడు మురుగ దాస్ దర్శకత్వంలో ప్రిన్స్ యాక్షన్ థ్రిల్లర్ చేస్తున్నారు. ఇది మహేష్ కెరీర్ లో హీరోగా 23 వ సినిమా. దీని తర్వాత పీవీపీ బ్యానర్లో వంశీ పైడిపల్లి డైరక్షన్లో 24 వ చిత్రాన్ని చేయనున్నారు. దీనికి సంబంధించిన అధికారిక ప్రకటనను మహేష్ బాబు పుట్టిన రోజున రిలీజ్ చేశారు. ఇక 25వ చిత్రాన్ని డైరక్ట్ చేసే అవకాశాన్ని అందిపుచ్చుకోవాలని టాలీవుడ్ ప్రముఖ దర్శకులు పోటీ పడుతున్నారు.

శ్రీమంతుడు తీసిన కొరటాల శివ,  అతడు హిట్ ఇచ్చిన మాటల మాంత్రికుడు త్రివిక్రమ్ శ్రీనివాస్, పోకిరి లాంటి బ్లాక్ బస్టర్ అందించిన పూరి జగన్నాధ్.. ముగ్గురూ సూపర్ స్టార్ కోసం కథను సిద్ధం చేశారు. మహేష్ కి వినిపించడం, అయన ఓకే చెప్పడం కూడా అయిపోయాయి. అయితే అవేవీ 25 వ చిత్రం కాదని తాజా సమాచారం. దర్శకధీరుడు ఎస్.ఎస్.రాజమౌళి తో ఈ సారి ప్రిన్స్ సినిమా చేయనున్నట్లు తెలిసింది. ఎప్పటినుంచో వీరిద్దరూ కలిసి మూవీ చేయాలని అనుకుంటున్నారు. కానీ కుదరడం లేదు. మహేష్ అభిమానులు కూడా ఎదురుచూస్తున్నారు. ఫ్యాన్స్‌ కోరిక త్వరలో తీరనుంది.

సూపర్ స్టార్ కృష్ణ హిట్ సినిమా ‘అల్లూరి సీతారామరాజు” కథతో రాజమౌళి, మహేష్ బాబు 25 వ  సినిమాను తెరకెక్కించనున్నట్లు  ఫిల్మ్ నగర్ టాక్. బాహుబలి కంక్లూజన్ రిలీజ్ అయినా అనంతరం దర్శకధీరుడు ఈ కథ, స్క్రిప్ట్ పనుల్లో బిజీ కానున్నట్లు అయన సన్నిహితులు తెలిపారు.