Preetisheel Singh: బన్నీలో ఆ లక్షణాన్ని వర్ణించాలంటే మాటలు సరిపోవు.. ఆమె ఏమన్నారంటే?

టాలీవుడ్ స్టార్ హీరోలలో ఒకరైన అల్లు అర్జున్ ఈ మధ్య కాలంలో ఏం చేసినా ఆయనకు కెరీర్ పరంగా కలిసొస్తుండటం గమనార్హం. పుష్ప ది రైజ్ సినిమాలో బన్నీ నటనకు నేషనల్ అవార్డ్ రాగా పుష్ప ది రూల్ సినిమాకు కూడా అవార్డులు రావడం గ్యారంటీ అని అభిప్రాయాలు వ్యక్తమవుతున్నాయి. సినిమా సినిమాకు బన్నీ రేంజ్ పెరుగుతుండగా మేకప్ ఆర్టిస్ట్ ప్రీతీషీల్‌ సింగ్‌ ఆసక్తికర విషయాలను వెల్లడించారు.

పంజాబ్ లోని పఠాన్ కోట్ లో నేను జన్మించానని ఫాంటసీ సినిమాలు అంటే (Preetisheel Singh) నాకు ఇష్టమని లాస్‌ఏంజిల్స్‌లోని మేకప్‌ స్కూల్‌లో మేకప్ మెళకువలు నేర్చుకోవడంతో పాటు ప్రోస్థటిక్‌ మేకప్‌లో ప్రావీణ్యం సంపాదించుకున్నానని చెప్పుకొచ్చారు. ఇండియాకు వచ్చిన తర్వాత మేకప్ ల్యాబ్ ను మొదలుపెట్టానని ఆమె కామెంట్లు చేశారు. సుకుమార్ సార్ పుష్ప కథ చెప్పిన సమయంలో ఒత్తిడికి గురయ్యానని ప్రీతీషీల్‌ సింగ్‌ అన్నారు.

బన్నీ సినిమా అంటే ప్రేక్షకుల్లో భారీ స్థాయిలో అంచనాలు నెలకొంటాయని ప్రీతీషీల్‌ సింగ్‌ తెలిపారు. వారి అంచనాలకు అనుగుణంగా కొత్త లుక్ లో చూపించాలని అనుకున్నానని ఆమె చెప్పుకొచ్చారు. బన్నీకి మేకప్ వేయాలంటే రెండు గంటల సమయం పట్టేదని పాత్ర విషయంలో బన్నీకి ఉన్న అంకిత భావాన్ని వర్ణించడానికి నాకు మాటలు సరిపోవని ప్రీతీషీల్‌ సింగ్‌ కామెంట్లు చేశారు.

తాను కెరీర్ పరంగా సక్సెస్ అయ్యానని అయితే ఆ సక్సెస్ సులువుగా దక్కలేదని ఆమె చెప్పుకొచ్చారు. ఎన్నో ప్రొడక్షన్ హౌస్ ల చుట్టూ కాళ్లరిగేలా తిరిగానని ఆమె కామెంట్లు చేశారు. ఆ తర్వాత నానక్‌ షా ఫకీర్‌ సినిమాకు పని చేసే ఛాన్స్ దక్కిందని ప్రీతీషీల్‌ సింగ్‌ వెల్లడించారు. నన్ను నేను ప్రూవ్ చేసుకోవడానికి చాలా కష్టపడ్డానని ఆమె అన్నారు. తొలి సినిమాకే జాతీయ అవార్డ్ రావడంతో కెరీర్ పరంగా వెనక్కు తిరిగి చూసుకోవాల్సిన అవసరం రాలేదని ప్రీతిషీల్ సింగ్ కామెంట్లు చేశారు.

జవాన్ సినిమా రివ్యూ & రేటింగ్!

మిస్ శెట్టి మిస్టర్ పోలిశెట్టి సినిమా రివ్యూ & రేటింగ్!
‘బిగ్ బాస్ 7’ 14 మంది కంటెస్టెంట్స్ పారితోషికాల లిస్ట్..!