Malavika Mohanan: ఆ మాట నయన్ ను ఉద్దేశించి అనలేదు

స్టార్ హీరోయిన్ నయనతార లేడీ సూపర్ స్టార్ గా గుర్తింపు తెచ్చుకుంది. అభిమానులంతా నయన్ ను లేడీ సూపర్ స్టార్ అనే పిలుస్తుంటారు. అయితే ఆమెని అలా పిలవడం తనకు నచ్చదని నటి మాళవిక మోహనన్ స్టేట్మెంట్ ఇచ్చినట్లుగా ప్రచారం జరుగుతోంది. దానిపై మాళవిక క్లారిటీ ఇచ్చే ప్రయత్నం చేసింది. తను ప్రత్యేకంగా ఏ నటి గురించీ చెప్పలేదని.. ఫీమేల్ యాక్టర్స్ గురించి చెప్పేటప్పుడు ఉపయోగించే పదం గురించి మాత్రమే కామెంట్ చేశానని అన్నారు.

అంతేతప్ప.. తను ఎవరినీ ఏమీ అనలేదని.. నయనతార అంటే తనకు నిజంగా గౌరవమని అన్నారు. సినిమా ఇండస్ట్రీలో ఆమె తనకంటే సీనియర్ అని.. హీరోయిన్ గా ఆమె జర్నీ అద్భుతమైందని చెప్పుకొచ్చారు. నయన్ ను ఆరాధిస్తానని.. ఇప్పటికైనా సైలెంట్ అవ్వండి అంటూ ట్రోలింగ్ కి ఫుల్ స్టాప్ పెట్టే ప్రయత్నం చేసింది. అసలేమైందంటే.. మలయాళ నటుడు మాథ్యూ థామస్ జోడీగా మాళవికా మోహనన్ నటించిన ‘క్రిస్టీ’ సినిమా ట్రైలర్ లాంచ్ ఈవెంట్ లో భాగంగా మీడియాతో ముచ్చటించారు మాళవిక.

ఆ సమయంలో నయనతార గురించి స్పందించమని అడిగారు. అప్పుడు ఆమె ‘నాకు లేడీ సూపర్ స్టార్ అనడం నచ్చదు’ అని సమాధానమిచ్చారు. ఆ మాట బాగా వైరల్ అయింది. నిజానికి మాళవిక ఏ ఉద్దేశంతో ఆ మాట చెప్పిందంటే.. ‘నాకు సూపర్ స్టార్ అనే పదమే నచ్చదు. హీరోలను సూపర్ స్టార్ అనొచ్చు. కానీ, లేడీ సూపర్ స్టార్ అనడం ఎందుకు..? సూపర్ స్టార్ అంటే చాలు. అసలు ఆ లేడీ ట్యాగ్ ఏంటి..?’ అంటూ తన అభిప్రాయాన్ని వెల్లడించింది.

బాలీవుడ్ లో కత్రినా కైఫ్, అలియా భట్ లాంటి హీరోయిన్ల గురించి చెప్పేప్పుడు లేడీ అనేది వాడరని మాళవిక ఉద్దేశం. ఇక మాళవిక కెరీర్ విషయానికొస్తే.. ప్రస్తుతం ఆమె తమిళ, మలయాళ సినిమాలతో పాటు తెలుగులో కూడా నటిస్తోంది. ప్రభాస్-మారుతి కాంబినేషన్ లో తెరకెక్కుతోన్న సినిమాలో మాళవిక ఒక హీరోయిన్ గా కనిపించనుంది.

అమిగోస్ సినిమా రివ్యూ & రేటింగ్!
పాప్ కార్న్ సినిమా రివ్యూ & రేటింగ్!

వేద సినిమా రివ్యూ & రేటింగ్!
యూ.ఎస్ లో టాప్ గ్రాసర్స్ గా నిలిచిన 10 టాలీవుడ్ సినిమాలు..!