సినిమా ప్రమోషన్ లతో భారీగా సంపాదిస్తున్న మల్లెమాల?

June 27, 2022 / 10:22 AM ISTByFilmy Focus

Join Us

సినిమా ప్రమోషన్ లతో భారీగా సంపాదిస్తున్న మల్లెమాల?

సాధారణంగా ఒక సినిమా తెరకెక్కిన తర్వాత ఆ సినిమా పెద్ద ఎత్తున ప్రేక్షకులలోకి వెళ్లి ప్రేక్షకులు థియేటర్ కి రావాలి అంటే పెద్ద ఎత్తున ప్రమోషన్ కార్యక్రమాలను చేయాల్సిందే. ఈ క్రమంలోనే సినిమా పూర్తయిన తర్వాత ప్రమోషన్ కార్యక్రమాల కోసం పెద్దఎత్తున నిర్మాతలు ఖర్చు చేస్తూ ఉంటారు.ఈ క్రమంలోనే ఎన్నో మీడియా సమావేశాలలో పాల్గొంటూ ఇంటర్వ్యూలు ఇవ్వడమే కాకుండా బుల్లితెరపై ప్రసారమయ్యే కార్యక్రమాల ద్వారా సినిమాని ప్రమోట్ చేస్తూ ఉంటారు. సాధారణంగా బుల్లితెరపై ప్రసారమయ్యే కార్యక్రమాలకు విపరీతమైన క్రేజ్ ఉంటుంది.

ఈ క్రమంలోనే నిర్మాతలు బుల్లితెర కార్యక్రమాల ద్వారా తమ సినిమాలను ప్రమోట్ చేసుకోవడానికి ఆసక్తి చూపుతున్నారు. ముఖ్యంగా బుల్లితెరపై ఎక్కువ ఆదరణ ఏ కార్యక్రమాలకు ఉంటుందో అలాంటి కార్యక్రమాలలో తమ సినిమా ప్రమోషన్ కార్యక్రమాలను నిర్వహిస్తున్నారు. ముఖ్యంగా ఈ టీవీలో ప్రసారమయ్యే మల్లెమాల వారి కార్యక్రమాలకు విపరీతమైన ఆదరణ ఉంది. ముఖ్యంగా జబర్దస్త్ కార్యక్రమానికి ఎలాంటి క్రేజ్ ఉందో అందరికీ తెలిసిందే. ఇక ఈ కార్యక్రమం ద్వారా దర్శక నిర్మాతలు సినిమాని ప్రమోట్ చేయాలంటే మల్లెమాల వారికి సుమారు 15 లక్షల రూపాయల వరకు ఇవ్వాల్సి ఉంటుంది.

అదేవిధంగా సుమ వ్యాఖ్యాతగా వ్యవహరిస్తున్న క్యాష్ కార్యక్రమంలో భాగంగా సినిమాని ప్రమోట్ చేయడం కోసం నిర్మాతలు సుమారు 10 లక్షల వరకు మల్లెమాల వారికి ఇస్తున్నట్లు తెలుస్తోంది. ఈ విధంగా ఒక సినిమాని ప్రేక్షకులలోకి తీసుకు వెళ్లాలంటే నిర్మాతలు మల్లెమాల వారికి లక్షల్లో ఇస్తున్నట్లు తెలుస్తోంది.

ఈ విధంగా జబర్దస్త్ కార్యక్రమం ద్వారా సినిమాని భారీ స్థాయిలో ప్రమోట్ చేసుకోగా..సినిమాలను ప్రమోట్ చేస్తూ మల్లెమాల వారు భారీగా సంపాదిస్తున్నారని చెప్పాలి. ఏది ఏమైనా మల్లెమాల వారు పలు బ్రాండ్లను మాత్రమే ప్రమోట్ చేయకుండా సినిమాలను సైతం ప్రమోట్ చేస్తూ లక్షలు సంపాదిస్తున్నారు.