Mamitha Baiju: ప్రేమలు హీరోయిన్‌కు టాలీవుడ్‌లో బంపర్ ఆఫర్స్!

మలయాళ సినిమా ‘ప్రేమలు’తో (Premalu) దక్షిణాది సినీ పరిశ్రమలో సంచలనం సృష్టించిన మమితా బైజు (Mamitha Baiju), తన క్యూట్ ఎక్స్‌ప్రెషన్స్, సహజ నటనతో యువతను ఆకర్షించింది. 2024లో విడుదలైన ఈ రొమాంటిక్ కామెడీ సినిమా, మలయాళంతో పాటు తెలుగు, తమిళ ప్రేక్షకులను కూడా అలరించి, మమితాకు భారీ క్రేజ్ తెచ్చిపెట్టింది. ఈ సినిమా విజయం తర్వాత మమితా సౌత్ సినిమా ఇండస్ట్రీలో డిమాండ్ హీరోయిన్‌గా మారింది, ఆమె క్రేజ్‌ను దర్శక నిర్మాతలు సరిగ్గా వాడుకోవడానికి ప్రయత్నిస్తున్నారు.

Mamitha Baiju

టాలీవుడ్‌లో మమితా బైజుకు ఉన్న ఫ్యాన్ ఫాలోయింగ్‌ను దృష్టిలో ఉంచుకుని, ఆమెను తెలుగు సినిమాల్లో తీసుకునేందుకు చాలా మంది ఆసక్తి చూపుతున్నారు. ఇప్పటికే మాస్ మహరాజ్ రవితేజతో  (Ravi Teja)  ‘అనార్కలి’ సినిమాలో నటిస్తున్నట్లు వార్తలు వస్తున్నాయి. కిశోర్ తిరుమల  (Kishore Tirumala)   దర్శకత్వంలో రూపొందుతున్న ఈ సినిమాలో మమితా ఒక హీరోయిన్‌గా, మరో హీరోయిన్‌గా కయదు లోహర్ (Kayadu Lohar) నటిస్తున్నట్లు సమాచారం. ఈ సినిమా యాక్షన్ ఎంటర్‌టైనర్‌గా రాబోతుందని, మమితా పాత్ర యూత్‌ను ఆకర్షించేలా ఉంటుందని అంటున్నారు.

అయితే, ఈ సినిమాతో పాటు మమితా టాలీవుడ్‌లో మరో భారీ ప్రాజెక్ట్‌ను కూడా అందుకుందని ఫిల్మ్ నగర్ వర్గాల సమాచారం. ఒక స్టార్ హీరో, ప్రముఖ దర్శకుడి కాంబినేషన్‌లో రూపొందుతున్న ఈ సినిమాలో మమితా హీరోయిన్‌గా నటిస్తుందని తెలుస్తోంది. ఈ సినిమాలో ఆమె పాత్ర చాలా కీలకంగా ఉంటుందని, కథ విన్న వెంటనే మమితా ఒప్పుకున్నట్లు సమాచారం. ఎప్పటి నుంచో తెలుగులో నటించాలని కోరుకున్న మమితా, సరైన కథ కోసం ఎదురుచూస్తూ సైలెంట్‌గా ఉంది, ఇప్పుడు ఈ రెండు సినిమాలతో టాలీవుడ్‌లో సందడి చేయడానికి సిద్ధమైంది.

మమితా బైజు తెలుగుతో పాటు తమిళ, మలయాళ సినిమాల్లో కూడా నటిస్తూ బిజీగా ఉంది. ప్రస్తుతం ఆమె దళపతి విజయ్‌తో (Vijay Thalpathy)  ‘జన నాయగన్’ (Jana Nayagan)  సినిమాలో కీలక పాత్రలో కనిపిస్తుంది, ఈ సినిమాలో పూజా హెగ్దే (Pooja Hegde) కూడా నటిస్తోంది. తమిళంలో విష్ణు విశాల్‌తో (Vishnu Vishal) ‘ఇరండు వానం’ సినిమాలో, ప్రదీప్ రంగనాథన్‌తో (Pradeep Ranganathan)  ‘PR04’ సినిమాలో నటిస్తూ, మలయాళంలో ‘ప్రేమలు 2’తో సిద్ధమవుతోంది. సౌత్ ఇండియా అంతటా తన నటనతో ఆకట్టుకుంటున్న మమితా, టాలీవుడ్‌లో బిజీ హీరోయిన్‌గా మారేందుకు సన్నాహాలు చేస్తోంది.