టాలీవుడ్ ప్రముఖ హీరోలలో ఒకరైన మంచు విష్ణు ప్రస్తుతం భక్త కన్నప్ప సినిమా పనులతో బిజీగా ఉన్నారు. మంచు విష్ణు కెరీర్ లో హైయెస్ట్ బడ్జెట్ తో భక్త కన్నప్ప తెరకెక్కుతుండగా ఈ మూవీ బాక్సాఫీస్ రిజల్ట్ ఏ విధంగా ఉండనుందో చూడాల్సి ఉంది. ఈ ప్రాజెక్ట్ మంచు విష్ణు డ్రీమ్ ప్రాజెక్ట్ కాగా ఈ సినిమాతో మంచు విష్ణు పాన్ ఇండియా స్థాయిలో సక్సెస్ సాధించే అవకాశాలు అయితే ఉన్నాయనే అభిప్రాయాలు వ్యక్తమవుతున్నాయి.
మూవీ ఆర్టిస్ట్ అసోసియేషన్ అధ్యక్షుడు అయిన మంచు విష్ణు తాజాగా ఒక యూట్యూబ్ ఛానల్ కు ఇంటర్వ్యూ ఇవ్వగా ఆ ఇంటర్వ్యూలో ఆయనకు ఏపీ రాజకీయాలకు సంబంధించి ప్రశ్నలు ఎదురయ్యాయి. పవన్ కళ్యాణ్ రాజకీయాల గురించి స్పందించాలని యాంకర్ కోరడంతో మంచు విష్ణు ఆసక్తికర వ్యాఖ్యలు చేశారు. సినిమా ఇండస్ట్రీలో పవర్ స్టార్ పవన్ కళ్యాణ్ సూపర్ స్టార్ అని పవన్ సినిమాల గురించి తాను చెప్పగలనని విష్ణు అన్నారు.
పవన్ సినిమాలు మంచి కలెక్షన్లను సొంతం చేసుకుంటున్నాయని విష్ణు అభిప్రాయం వ్యక్తం చేశారు. పవన్ పాలిటిక్స్ గురించి తాను ఇప్పుడైతే ఏం చెప్పలేనని పవన్ రాజకీయాల గురించి చెప్పడానికి నేనేమైనా బ్రహ్మంగారినా అని మంచు విష్ణు చెప్పుకొచ్చారు. ఎవరికి ఓటేయాలని భావిస్తే ప్రజలు వాళ్లకే ఓటేస్తారని ప్రజలు చాలా స్మార్ట్ గా ఉన్నారని మంచు విష్ణు పేర్కొన్నారు.
సినిమా ఇండస్ట్రీకి చెందిన మహానుభావులకు సైతం పాలిటిక్స్ లో చేదు అనుభవాలు ఎదురైన సందర్భాలు ఉన్నాయని ఆయన అన్నారు. ఆరు నెలల తర్వాత రాజకీయాల్లో పవన్ భవిష్యత్తు గురించి తాను చెప్పగలనని మంచు విష్ణు పేర్కొన్నారు. భక్త కన్నప్ప సినిమా కోసం 150 కోట్ల రూపాయల కంటే ఎక్కువ మొత్తం ఖర్చు చేస్తున్నామని విష్ణు తెలిపారు. విష్ణు (Manchu Vishnu) చేసిన కామెంట్స్ సోషల్ మీడియాలో చర్చనీయాంశం అయ్యాయి.
మిస్టర్ ప్రెగ్నంట్ సినిమా రివ్యూ & రేటింగ్!
ప్రేమ్ కుమార్ సినిమా రివ్యూ & రేటింగ్!
గత 10 సినిమాల నుండి రజనీకాంత్ సినిమాల థియేట్రికల్ పెర్ఫార్మన్స్ ఎలా ఉందంటే?
