చైత‌న్ భ‌రద్వాజ్‌ సంగీతం ఎలా ఉందంటే..?

‘కింగ్’ నాగార్జున హీరోగా నటిస్తున్న తాజా చిత్రం ‘మన్మధుడు2’. రాహుల్ రవీంద్రన్ డైరెక్షన్లో తెరకెక్కుతున్న ఈ చిత్రాన్ని ‘అన్నపూర్ణ స్టూడియోస్’ ‘ఆనంది ఆర్ట్ క్రియేషన్స్’ ‘వియాకామ్ 18 మోషన్ పిక్చర్స్’ బ్యానర్లు కలిసి నిర్మిస్తున్నాయి. రకుల్ ప్రీత్ సింగ్ హీరోయిన్ గా నటిస్తున్న ఈ చిత్రంలో సమంత, కీర్తి సురేష్ లు కూడా కీలక పాత్రలు పోషిస్తున్నారు. ‘మన్మధుడు’ చిత్రం తరహాలోనే ‘మన్మధుడు2’ కూడా అలరిస్తుందని నాగార్జున చెబుతున్నారు. ఇక ఈ చిత్రానికి ‘ఆర్.ఎక్స్.100’ ఫేమ్ చైత‌న్ భ‌రద్వాజ్‌ సంగీతమందిస్తున్నాడు. ఈ చిత్రంలో మూడు పాటలు ఉన్నాయి. తాజాగా ఈ ఆడియో జ్యూక్ బాక్స్ ను విడుదల చేశారు. మరి ఆ పాటలు ఎలా ఉన్నాయో.. ఓ లుక్కేద్దాం రండి.

1) హే మెనీన : సినిమాలో ఈ పాట నాగార్జున ఇంట్రొడక్షన్ సాంగ్ లా ఉంటుందట. శుభం విశ్వనాధ్ లిరిక్స్ అందించిన ఈ పాటని మ్యూజిక్ డైరెక్టర్ చైత‌న్ భ‌రద్వాజ్‌ పాడాడు. విజువల్ గా కూడా ఈ సాంగ్ చాలా బాగుంటుందట. కచ్చితంగా ఈ పాట రిపీట్ మోడ్ లో ఉంటుందనడంలో సందేహం లేదు. ఈ సాంగ్ లో నాగ్ రొమాన్స్ హైలెట్ గా నిలుస్తుందట. కచితంగా ఈ పాట ఆకట్టుకుంటుంది.

2)మా చక్కని పెళ్ళంట : కిట్టు విస్సప్రగడ లిరిక్స్ అందించిన ఈ పాట సినిమాలో పెళ్ళి సందర్భంలో వచ్చే ఫ్యామిలీ సాంగ్ గా ఉంటుందని సమాచారం. అనురాగ్ కులకర్ణి, చిన్మయి, దీప్తి పార్ధసారథి వంటి సింగర్స్ ఈ పాటని పాడారు. చాలా సరదా సరదాగా ఈ పాట సాగింది. ఈ పాట కూడా వినడానికే కాదు చూడడానికి కూడా కలర్ ఫుల్ గా ఉంటుందని సమాచారం.

3) నాలోన : ఈ పాటకి కూడా ‘శుభం’ విశ్వనాధ్ లిరిక్స్ అందించగా… చిన్మయి పాడింది. మంచి మెలోడి ఫీల్ ను ఈ పాట కలిగించింది. లిరిక్స్ కూడా చాలా బాగున్నాయి. సినిమాలో హీరో హీరోయిన్లకి మధ్య వచ్చే రొమాంటిక్ సాంగ్ లా తెరకెక్కినట్టు తెలుస్తుంది. ఈ పాట కూడా కచ్చితంగా ఆకట్టుకుంటుంది.

మొత్తంగా చైత‌న్ భ‌రద్వాజ్‌… ‘మన్మధుడు2’ కి మంచి సంగీతమందించాడు. ఉన్నది మూడు పాటలే అయినా.. ఆల్బం మొత్తం వినసొంపుగానే ఉంది. కచ్చితంగా ఈ పాటలు సినిమాకి అదనపు ఆకర్షణగా నిలుస్తాయి అనడంలో సందేహం లేదు.