Meenakshi Chaudhary: మీనాక్షి చౌదరికి వరుస ఆఫర్లు రావడం వెనుక అసలు కథ ఇదేనా?

October 9, 2023 / 04:32 PM ISTByFilmy Focus

Join Us

Meenakshi Chaudhary: మీనాక్షి చౌదరికి వరుస ఆఫర్లు రావడం వెనుక అసలు కథ ఇదేనా?

టాలీవుడ్ ఇండస్ట్రీలో ప్రస్తుతం వరుస ఆఫర్లతో బిజీగా ఉన్న హీరోయిన్ ఎవరనే ప్రశ్నకు మీనాక్షి చౌదరి పేరు సమాధానం వినిపిస్తుంది. ఈ నటి చేతినిండా ఆఫర్లు ఉండగా మీనాక్షి చౌదరిని అభిమానించే అభిమానుల సంఖ్య అంతకంతకూ పెరుగుతోంది. అయితే మీనాక్షి చౌదరికి వరుస ఆఫర్లు రావడానికి ఆమె ఎత్తు కారణమని సమాచారం. ఆమె ఎత్తు ఎక్కువగా ఉండటంతో చాలామంది హీరోలు ఛాన్స్ ఇవ్వడానికి ఆసక్తి చూపిస్తున్నట్టు తెలుస్తోంది. మీనాక్షి చౌదరి తాజాగా మాట్లాడుతూ షాకింగ్ విషయాలను వెల్లడించారు.

హిట్2 సినిమాతో సక్సెస్ అందుకున్న మీనాక్షి గుంటూరు కారం సినిమాతో స్టార్ స్టేటస్ ను సొంతం చేసుకుంటానని కాన్ఫిడెన్స్ తో ఉన్నారు. మిస్ ఇండియా పోటీలలో మీనాక్షి చౌదరి రన్నరప్ గా నిలిచారు. హరియాణాలోని పంచ్ కులానీ ఈమె స్వస్థలం కాగా నాన్న ఆర్మీలో పని చేస్తుండటంతో ఈ బ్యూటీ కంటోన్మెంట్ స్కూల్ లో చదువుకున్నారు. రెండోళ్లకు ఒకసారి స్కూల్ మారిన ఈ బ్యూటీ తండ్రి మరణం తర్వాత ఆ బాధ నుంచి బయటపడటానికి మిస్ ఇండియా పోటీలలో పాల్గొన్నారు.

కాలేజ్ లో టామ్ బాయ్ లా ఉండేదానినని ఆమె చెప్పుకొచ్చారు. ఐఏఎస్ కావాలనే లక్ష్యం ఉందని ఏదో ఒక సినిమాలో ఆ పాత్రలో నటించి కోరికను నెరవేర్చుకుంటానని మీనాక్షి చౌదరి వెల్లడించారు. నాకు స్పైసీ పుడ్ అంటే చాలా ఇష్టమని ఆమె తెలిపారు. హైదరాబాదీ బిర్యానీ అంటే నాకు చాలా ఇష్టమని అమ్మ వండిన మటన్ బిర్యానీని సైతం ఇష్టంగా తింటానని మీనాక్షి చౌదరి కామెంట్లు చేశారు.

హైదరాబాద్ లో ఉంటే రంజాన్ మాసంలో హలీంను ఓ పట్టు పట్టాల్సిందేనని ఆమె చెప్పుకొచ్చారు. అమ్మ దగ్గరుంటే వంట నేర్చుకుంటానని తను పక్కన లేకపోతే ప్రయాణాలు చేస్తానని మీనాక్షి చౌదరి కామెంట్లు చేశారు. మీనాక్షి (Meenakshi Chaudhary) రెమ్యునరేషన్ సైతం భారీస్థాయిలో ఉందని తెలుస్తోంది.