మనం చాలాసార్లు చర్చించుకున్నట్లు త్రివిక్రమ్ సినిమాలో ఓ సీనియర్‌ హీరో/ క్యారెక్టర్‌ ఆర్టిస్ట్‌.. ఓ సీనియర్‌ నటి ఉండాల్సిందే. గత కొన్ని సినిమాలుగా ఇదే జరుగుతూ వస్తోంది. ఈ క్రమంలో మహేష్‌బాబుతో త్వరలో చేయబోయే సినిమాలో కూడా ఇలానే సీనియర్‌ నటులు ఉంటారని వార్తలొస్తున్నాయి. వాళ్లు, వీళ్లు అని పేర్లు వినిపిస్తున్నాయి కానీ, ఎవరూ ఇంకా ఓకే అవ్వలేదు అంటున్నారు. తాజాగా ఈ లిస్ట్‌లో మరో పేరు బయటకు వచ్చింది.
మహేష్‌బాబు 28వ సినిమాగ రూపొందనున్న ఈ చిత్రంలో డైలాగ్‌ కింగ్‌ మోహన్‌బాబు నటిస్తారని ఓ వార్త టాలీవుడ్‌ వర్గాల్లో చక్కర్లు కొడుతోంది. అంతేకాదు ఆమెకు జోడీగా శోభన నటిస్తారని సమాచారం. ‘అల్లుడుగారు’లో ఈ జంట చేసిన సందడి అంతా ఇంతా కాదు. ఆ తర్వాత కూడా వీరిద్దరూ కలసి నటించినా.. ఆ సినిమాలో వారి కెమిస్ట్రీ అదిరిపోతుంది అని చెప్పాలి. ఇప్పుడు ఇన్నాళ్ల తర్వాత మళ్లీ ఇద్దరూ కలసి ఈ సినిమాలో నటిస్తారని చెబుతున్నారు.
జూలై నెలాఖరు నుండి ఈ సినిమా షూటింగ్ మొదలు పెట్టడానికి సన్నాహాలు చేస్తున్నారని సమాచారం. ఇక ఈ సినిమాకు ‘పార్ధు’, ‘అర్జునుడు’ అనే టైటిల్స్ పరిశీలనలో ఉన్నట్టు సమాచారం. ఈ సినిమాలో మహేష్ బాబు సరసన పూజా హెగ్డే నటిస్తోంది. అలాగే శ్రీలీల కీలక పాత్రలో కనిపించనుందని చెబుతున్నారు. మోహన్‌బాబు పాత్ర అంటే… మినిమం ఉండాలి అంటారు. అందుకు తగ్గట్టుగా ఈ కారెక్టర్‌‌ను త్రివిక్రమ్ విభిన్నంగా డిజైన్ చేస్తున్నారని సమాచారం. మహేష్, మోహన్ బాబు మధ్య జరిగే సన్నివేశాలు అదిరిపోతాయని సినిమా సన్నిహితుల కామెంట్‌.
మహేష్‌బాబు – త్రివిక్రమ్ సినిమాను సంక్రాంతికి తీసుకొస్తారని తొలుత వార్తలొచ్చాయి. అయితే ఇప్పుడు సంక్రాంతి బరి నుండి సినిమా తప్పుకున్నట్లే అంటున్నారు. జులైలో మొదలుపెడితే సంక్రాంతికి విడుదల చేయడం అంత ఈజీ కాదని టీమ్‌ భావిస్తోందట. అందుకే ముందస్తుగానే సంక్రాంతి బరి నుండి తప్పుకుంటున్నారని టాక్‌. ఆ లెక్కన సినిమా 2023లో సమ్మర్‌లో వస్తుందని చెప్పొచ్చు. చూద్దాం గురూజీ ఆలోచనలు ఎలా ఉన్నాయో. వేగంగా పూర్తి చేసి సంక్రాంతికి వచ్చేసినా ఆశ్చర్యం లేదు.
Most Recommended Video
‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!
Home