Mrunal Thakur: మరో ఇండస్ట్రీలోకి మృణాల్‌ .. ఈసారి భారీ బడ్జెట్‌తో…!

ఓవర్‌ నైట్‌ స్టార్‌.. ఈ మాట సినిమాల్లోనూ, క్రికెట్‌లోనూ వింటుంటాం. ఓ సినిమా హిట్‌ అయితేనో, ఓ మ్యాచ్‌ బాగా ఆడితేనో స్టార్‌ అయిపోతారు. అయితే వీళ్లు ఎర్లీ ఏజ్‌ ఆఫ్‌ కెరీర్‌లో ఉన్నవాళ్లు అవుతారు. ఎంట్రీ ఇచ్చిన తొలినాళ్లలో మంచి సినిమా చేసి, ఆ సినిమా భారీ విజయం అందుకుని స్టార్‌ అవుతారు. అయితే ఇండస్ట్రీలోకి వచ్చి కొన్నాళ్లు అయ్యాక ఇలా ఓవర్‌ నైట్‌ స్టార్‌ అయినవాళ్లను చూశారా? ఇటీవల కాలంలో ఇలా మారిన నటి మృణాల్‌ ఠాకూర్‌.

ఈ స్టార్‌ ఇప్పుడు కోలీవుడ్‌కి కూడా వెళ్తోంది. ఈ మేరకు అన్ని ఏర్పాట్లు జరిగిపోయాయని టాక్‌. దుల్కర్‌ సల్మాన్‌ ‘సీతారామం’ సినిమాతో దక్షిణాదిలో ఒక్కసారిగా భారీ క్రేజ్‌ సంపాదించుకుంది మృణాల్‌ ఠాకూర్‌. ఆ తర్వాత కొత్త సినిమాల ఎంపికకు కొంత సమయం తీసుకున్నా.. ఇప్పడు వరుసగా సినిమాలు అంగీకరిస్తూ వస్తోంది. తాజాగా రెండు తెలుగు సినిమాలు ఓకే చేసిన ఈ సీత.. ఇప్పుడు తమిళ సినిమాకు పచ్చ జెండా ఊపింది అంటున్నారు. ప్రముఖ దర్శకుడు మురుగదాస్‌ – శివ కార్తికేయన్‌ హీరోగా ఓ కొత్త చిత్రం స్టార్ట్‌ అవ్వనుంది.

ఆ సినిమాలోనే మృణాల్‌ను (Mrunal Thakur)  తీసుకున్నారు అని చెబుతున్నారు. ఇప్పటికే ఈ సినిమాకు సంబంధించిన కథా చర్చలు పూర్తయ్యాయని, మృణాల్‌తో టెస్ట్‌ షూట్‌ చేసేందుకు ఏర్పాట్లు చేస్తున్నారట. అందులో ఓకే అయితే త్వరలోనే అధికారిక ప్రకటన ఉంటుందని చెబుతున్నారు. శివకార్తికేయన్‌ కెరీర్‌లోనే మురుగదాస్‌ సినిమా భారీ బడ్జెట్‌ అని సమాచారం. ఈ లెక్కన మృణాల్‌ కోలీవుడ్‌ ఎంట్రీ భారీ బడ్జెట్‌ సినిమాతో అని చెప్పొచ్చు.

తెలుగులో ఆమె చేసిన సినిమా పెద్ద బ్యానర్‌లో కానీ.. భారీ బడ్జెట్‌ అయితే కాదు. ఇక తెలుగు సంగతికొస్తే.. ప్రస్తుతం ఆమె నానితో సినిమా, విజయ్‌ దేవరకొండతో ఓ సినిమా చేస్తోంది. రామ్‌చరణ్‌ – బుచ్చిబాబు సానా సినిమాలోనూ ఆమెను ఫైనల్‌ చేశారు అని అంటున్నారు. అయితే దీనిపై క్లారిటీ లేదు. ఇక హిందీలో ‘పూజా మేరీ జాన్‌’, ‘పిప్పా’ చిత్రాల్లో నటిస్తోంది.

స్పై సినిమా రివ్యూ & రేటింగ్!

సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!