Priyanka Chopra: తనకు వయసైపోతుందంటున్న స్టార్ హీరోయిన్!

వయసు పెరిగే కొద్దీ మరింత గ్లామరస్ గా కనిపించడానికి ఆరాటపడుతుంటారు హీరోయిన్లు. దాని కోసం రకరకాల కాస్మొటిక్స్ వాడడంతో పాటు సర్జరీలు కూడా చేయించుకుంటూ ఉంటారు. తమ వయసుని దాచడానికి చాలా ప్రయత్నాలు చేస్తుంటారు. అయితే ఇలాంటి వాటికి విరుద్ధంగా నడుచుకుంటుంది గ్లోబల్ బ్యూటీ ప్రియాంక చోప్రా. ఒకప్పటిలా అందంగా కనిపించడానికి తను తహతహలాడడం లేదని.. వయసు పెరిగిందనే విషయం తనకు అర్ధమవుతుందని చెప్పుకొచ్చింది. వయసు రీత్యా వస్తున్న మార్పులను అర్ధం చేసుకుంటున్నానని సోషల్ మీడియాలో ఓ పోస్ట్ పెట్టింది.

ఈ విషయంలో నేను అబద్ధం చెప్పను.. అలా చెప్పి ఇబ్బంది పడడం నాకిష్టం లేదని చెప్పిన ప్రియాంక.. తనకు వయసైపోతుందని.. బాడీ షేప్ మారిపోతుందని.. మరింత పెద్దదాన్ని అవుతున్నానంటూ రాసుకొచ్చింది. శారీరకంగా, మానసికంగా ఈ మార్పులను స్వీకరిస్తున్నానని.. తన వయసుకి తగ్గట్లుగానే కనిపిస్తున్నానని చెప్పుకొచ్చింది. 20 ఏళ్ల వయసులో కనిపించినట్లు ఇప్పుడు కూడా కనిపించాలనే కోరిక తనకు లేదంటోంది. గ్లామర్ పేరుతో శరీరాన్ని ఇబ్బంది పెట్టడం మంచిది కాదని.. వయసు పెరిగే కొద్దీ ఎంత అందంగా ఉన్నామనేది మన ఆత్మవిశ్వాసంపై ఆధారపడి ఉంటుందని చెబుతోంది.

Most Recommended Video

థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!