‘సలార్‌’ సినిమా అనౌన్స్‌మెంట్‌ రాగానే… ప్రభాస్‌ ఫ్యాన్స్‌ ఆనందంలో మునిగిపోతే, ఎన్టీఆర్‌ అభిమానులు కూసింత నిరాశకు గురయ్యారు. కారణం దర్శకుడు ప్రశాంత్‌ నీల్ నెక్స్ట్‌ సినిమా ఎన్టీఆర్‌తోనే అని చాలా రోజుల నుంచి వార్తలు వస్తుండటం. ‘కేజీఎఫ్‌ 2’ అయ్యాక ప్రశాంత్‌ నీల్ – ఎన్టీఆర్‌ సినిమా మొదలవుతుందని వార్తలు వచ్చాయి. కానీ ‘సలార్‌’ అనౌన్స్‌మెంట్‌ రావడం, సినిమా షూటింగ్‌ మొదలవ్వడంతో ఇక ఎన్టీఆర్‌ సినిమా ఉండదేమో అని కొందరు అనుకున్నారు. అయితే అభిమానులకు మైత్రీ మూవీ మేకర్స్ శుభవార్త చెప్పింది.
ఎన్టీఆర్‌ – ప్రశాంత్‌ నీల్ సినిమా ఇంకా కార్డ్స్‌లోనే ఉందట. ప్రస్తుతం ఈ సినిమాకు సంబంధించి నేపథ్య పనులు జరుగుతున్నాయట. ‘సలార్‌’ సినిమా అయిపోగానే ఎన్టీఆర్‌ సినిమా పనులు మొదలుపెట్టేలా ప్రశాంత్‌ నీల్ ప్లాన్స్‌ రెడీ చేసుకున్నాడట. ముందుగా అనుకున్నట్లే ఈ సినిమాను మైత్రీ మూవీ మేకర్స్ నిర్మిస్తుంది. ఈ విషయాన్ని నిర్మాతల నవీన్‌ ఎర్నేని, రవిశంకర్‌ యలమంచిలి తెలిపారు. ఈ మాట విన్న ఎన్టీఆర్‌ అభిమానులు ఆ విషయాన్ని ఆనందంగా షేర్‌ చేసుకుంటున్నారు.
ప్రస్తుతం ఎన్టీఆర్‌ ‘ఆర్‌ ఆర్‌ ఆర్‌’ సినిమా పనుల్లో బిజీగా ఉన్నాడు. ఆ తర్వాత త్రివిక్రమ్‌ దర్శకత్వంలో ఓ సినిమా చేస్తారని గతంలో వార్తలొచ్చాయి. ఇప్పుడు ప్రశాంత్‌ నీల్ సినిమా కూడా ట్రాక్‌లో ఉందని తెలుస్తోంది. ‘సలార్‌’ను వీలైనంత త్వరగా పూర్తి చేయాలని ప్రశాంత్‌ నీల్ ఆలోచిస్తున్నాడు. అంటే మరి ‘ఆర్‌ఆర్‌ఆర్‌’ తర్వాత ఎన్టీఆర్‌ ఏ సినిమా చేస్తాడనే ప్రశ్న మరోసారి ముందుకొచ్చింది. త్రివిక్రమ్‌ సినిమా ఈలోపు మొదలుపెట్టేస్తే ఈ పుకార్లకు ఫుల్‌స్టాప్‌ పడిపోతుంది.
Most Recommended Video
వామ్మో.. సుమంత్ ఇన్ని హిట్ సినిమాలను మిస్ చేసుకున్నాడా..!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
ఈ 10 మంది బుల్లితెర సెలబ్రిటీలు 30 ఏళ్ళ వయసొచ్చినా పెళ్లి చేసుకోలేదట..!
