‘ఆర్.ఆర్.ఆర్’ ప్రపంచమంతా ఈ చిత్రం కోసం ఎంతో ఆసక్తిగా ఎదురుచూస్తోంది. ఇక ఎన్టీఆర్, చరణ్ అభిమానుల పడిగాపులు సంగతి చెప్పనవసరం లేదు. ఇప్పటికే విడుదల చేసిన హీరోల ఇంట్రో టీజర్లు కానీ, దోస్తీ సాంగ్ కానీ, 45 సెకండ్ల గ్లిమ్ప్స్ కానీ ఎన్ని సంచలనాలు క్రియేట్ చేశాయో అందరికీ తెలిసిందే. ఇదిలా ఉంటే.. ‘ఆర్.ఆర్.ఆర్’ నుండీ ‘నాటు నాటు’ అనే సాంగ్ ప్రోమోని నవంబర్ 9న విడుదల చేయబోతున్నట్టు ఇటీవల ప్రకటించారు.
ఎన్టీఆర్, చరణ్ లు ఈ పాటకి డ్యాన్స్ చేస్తున్నట్టు కూడా ఓ పోస్టర్ ను విడుదల చేశారు. దాంతో ఈ ప్రోమోలో వీళ్ళ డ్యాన్స్ లు చూడొచ్చని అభిమానులతో పాటు అటు ప్రేక్షకులు కూడా ఆశపడ్డారు. కానీ ఈరోజు విడుదల చేసిన ప్రోమోలో చరణ్, ఎన్టీఆర్ ల డ్యాన్స్ మూమెంట్స్ లేవు. కీరవాణి అందించిన ట్యూన్ కానీ రాహుల్ సిప్లిగంజ్, కాల భైరవ పాడిన విధానం కానీ బాగానే ఉన్నాయి. చంద్రబోస్ లిరిక్స్ కూడా మాస్ ప్రేక్షకులను విశేషంగా ఆకట్టుకునేలా కనిపిస్తున్నాయి.
కానీ ప్రోమోలో ఎన్టీఆర్, చరణ్ లు కలిసి డ్యాన్స్ చేసే మూమెంట్స్ లేకపోవడమే అభిమానులను నిరాశపరిచే అంశం. అంతేకాకుండా సినిమాలో ఈ పాట ఉంటుందా లేక ప్రమోషనల్ సాంగ్ మాత్రమేనా? అనే అనుమానాలను కూడా కలిగిస్తుంది. ఇక ఫుల్ లిరికల్ సాంగ్ ను నవంబర్ 10న సాయంత్రం 4గంటలకి విడుదల చేయబోతున్నట్టు చిత్ర బృందం ప్రకటించింది.
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
Home