Naga Chaitanya: ‘తండేల్’ తర్వాత ఇంకో బ్లాక్ బస్టర్ కొట్టేందుకు కష్టపడుతున్న చైతన్య!

‘తండేల్‌’తో (Thandel) కెరీర్‌లో బిగ్గెస్ట్ హిట్ అందుకున్నాడు నాగచైతన్య (Naga Chaitanya). శోభిత ధూళిపాళ (Sobhita Dhulipala)  మెడలో మూడు ముళ్లు వేసిన వెంటనే చైతూ ఆ హిట్ అందుకోవడంతో మంచి జోష్‌లో ఉన్నాడు. వివాహం తర్వాత భార్యతో హనీమూన్ ట్రిప్ కంప్లీట్ చేసుకుని ఇండియా వచ్చాడు. ‘తండేల్’ హిట్‌తో అక్కినేని క్యాంప్ కూడా సంబరాలు చేసుకుంటోంది. చాలా రోజుల తర్వాత సక్సెస్ మీట్‌కు వచ్చానని స్వయంగా నాగార్జున (Nagarjuna) ఎమోషనల్ అయ్యారంటే హిట్ కోసం ఆ కుటుంబం ఎంతగా వెయిట్ చేస్తుంది అనేది అర్థం చెప్పవచ్చు.

Naga Chaitanya

ఈ హిట్ ట్రాక్‌ను ఇలాగే మెయింటైన్ చేయాలని నాగచైతన్య భావిస్తున్నారు. ‘విరూపాక్ష’ (Virupaksha)  ఫేం కార్తీక్ వర్మ దండు (Karthik Varma Dandu)  దర్శకత్వంలో తన 24వ సినిమా చేస్తున్నాడు. ‘శ్రీ వెంకటేశ్వర సినీ చిత్ర’ బ్యానర్‌పై బీవీఎస్ఎన్ ప్రసాద్ భారీ బడ్జెట్‌తో ‘NC24’ని నిర్మిస్తున్నారు. ఈ సినిమాకు ‘వృషకర్మ’ అనే టైటిల్ పరిశీలనలో ఉంది. సోషియో ఫాంటసీ, ట్రెజర్ హంటింగ్ ఎలిమెంట్స్‌తో ఈ సినిమా తెరకెక్కనుందని టాలీవుడ్ వర్గాలు చెబుతున్నాయి.

ఇప్పటి వరకు టాలీవుడ్‌లో రాని విధంగా యాక్షన్ సీక్వెన్స్ ప్లాన్ చేస్తున్నాడు దర్శకుడు కార్తీక్. అలాంటి రోల్ కోసం నాగచైతన్య కూడా కండలు పెంచే పనిలో పడ్డాడు. ఈ సినిమాకోసం ఫిట్‌నెస్ ట్రైనర్‌ పర్యవేక్షణలో వర్కవుట్స్‌తో పాటు అందుకు అనుగుణంగా డైట్ మెయింటైన్ చేస్తున్నట్టు తెలుస్తుంది. సో ఈ సినిమాలో చైతు సిక్స్ ప్యాక్ లో కనిపించబోతున్నాడు అని అర్థం చేసుకోవచ్చు.

ఇక నాగచైతన్య సరసన మీనాక్షి చౌదరి హీరోయిన్‌గా నటిస్తుంది. లక్కీ భాస్కర్ (Lucky Baskhar) , సంక్రాంతికి వస్తున్నాం(Sankranthiki Vasthunam) సినిమాలతో వరుస హిట్స్‌తో ఆమె కూడా మంచి ఫామ్లో ఉంది. ఈ సినిమాలో మీనాక్షి చౌదరి   (Meenakshi Chaudhary) ఆర్కియాలజిస్ట్‌గా కనిపించనుంది. అంతేకాదు చైతూ- మీనాక్షిల మధ్య రొమాంటిక్ సీన్స్, లిప్‌లాక్ కూడా ఉంటాయట. ప్రస్తుతం వీరిద్దరి మధ్య ఈ రొమాంటిక్ సీన్స్‌ను దర్శకుడు చిత్రీకరిస్తున్నట్లుగా టాలీవుడ్ టాక్.

క్రేజీ కాంబో.. కానీ మిస్ అయ్యేలా ఉందే..!