Naga Chaitanya: యువ సామ్రాట్ 25వ సినిమా.. ఈ మాస్ ప్లాన్ వర్కవుట్ అవుతుందా?

అక్కినేని వారసుడు నాగచైతన్య ప్రస్తుతం మంచి ఫామ్ తో వెళుతున్నాడు. ‘తండేల్’ సినిమాతో భారీ విజయాన్ని తన ఖాతాలో వేసుకున్న చైతూ, ఇప్పుడు కార్తీక్ దండు దర్శకత్వంలో ‘వృషకర్మ’ అనే వైవిధ్యమైన థ్రిల్లర్ చేస్తున్నారు. ఈ సినిమా పనులు శరవేగంగా జరుగుతుండగానే, చైతన్య తన 25వ సినిమా కోసం ఒక క్రేజీ దర్శకుడిని లైన్లో పెట్టినట్లు ఫిలిం నగర్ టాక్. పవర్ స్టార్ పవన్ కళ్యాణ్‌తో ‘ఉస్తాద్ భగత్ సింగ్’ తెరకెక్కిస్తున్న హరీష్ శంకర్, నాగచైతన్య కోసం ఒక పవర్‌ఫుల్ మాస్ కథను సిద్ధం చేసినట్లు తెలుస్తోంది.

Naga Chaitanya

సాధారణంగా నాగచైతన్య అంటే క్లాస్ ఆడియన్స్‌కు ఫేవరెట్, లవ్ స్టోరీలకు కేరాఫ్ అడ్రస్. కానీ తన 25వ సినిమాను మాత్రం చాలా స్పెషల్ గా, మునుపెన్నడూ చూడని రీతిలో ప్లాన్ చేయాలని ఆయన భావిస్తున్నారట. హరీష్ శంకర్ గత చిత్రాలు చూస్తే హీరోల మాస్ యాంగిల్‌ను బయటకు తీయడంలో దిట్ట. అందుకే ఈ కాంబినేషన్ కుదిరితే చైతన్యను ఒక కొత్త మాస్ అవతారంలో చూడవచ్చని అభిమానులు ఆశిస్తున్నారు. ఇప్పటికే ఈ ఇద్దరూ కొన్ని సందర్భాల్లో కలిసి కనిపించడం కూడా ఈ వార్తలకు మరింత బలాన్ని చేకూర్చింది.

ప్రస్తుతం హరీష్ శంకర్ తన పూర్తి ఫోకస్ పవన్ కళ్యాణ్ సినిమాపైనే పెట్టారు. ఏప్రిల్ లో ‘ఉస్తాద్ భగత్ సింగ్’ రిలీజ్ కానుందని మేకర్స్ ఇప్పటికే ప్రకటించారు. ఆ సినిమా పనులు ముగిసిన వెంటనే నాగచైతన్య ప్రాజెక్ట్ పై ఒక అఫీషియల్ అప్‌డేట్ వచ్చే అవకాశం ఉంది. మరోవైపు నాగచైతన్య ‘వృషకర్మ’ సినిమా కూడా సమ్మర్ తర్వాత విడుదలయ్యే ఛాన్స్ కనిపిస్తోంది. ఈ గ్యాప్‌లోనే హరీష్-చైతూ సినిమాకు సంబంధించిన పూర్తి స్క్రిప్ట్ వర్క్ కూడా పూర్తవుతుందని సమాచారం.

ఒకప్పుడు మాస్ సినిమాలు చేసి కొన్ని పరాజయాలు అందుకున్న నాగచైతన్య, ఈసారి మాత్రం చాలా కాలిక్యులేటెడ్ గా అడుగులు వేస్తున్నారు. కేవలం ఫైట్లు, డైలాగులు మాత్రమే కాకుండా కంటెంట్ బలంగా ఉన్న మాస్ కథ అయితేనే చేయాలని ఫిక్స్ అయ్యారట. సితార ఎంటర్‌టైన్‌మెంట్స్ లేదా బన్నీ వాస్ ఈ భారీ ప్రాజెక్ట్‌ను నిర్మించే అవకాశం ఉందని ప్రచారం జరుగుతోంది. మరి హరీష్ శంకర్ తన మాస్ పల్స్‌తో చైతన్యకు ఎలాంటి హిట్ ఇస్తారో చూడాలంటే మరికొన్ని రోజులు ఆగాల్సిందే.