షూటింగ్ సమయంలో ప్రమాదానికి గురైన హీరో?

టాలీవుడ్ క్రేజీ హీరో నాగ శౌర్య ఇటీవల ప్రమాదానికి గురయ్యాడు. షూటింగ్ సమయంలో ఊహించని విధంగా ఈ ఘటనలో చోటుచేసుకుంది. దీంతో నాగ శౌర్య ఎడమకాలికి గాయమయ్యింది. ఓ యాక్షన్ ఎపిసోడ్ చిత్రీకరిస్తున్న సమయంలో 15 అంతస్థుల బిల్డింగ్ మీద నుండీ దూకాల్సి ఉంది. అయితే డూప్ లేకుండా స్టంట్ చేసిన శౌర్య ఈ ప్రమాదానికి గురయ్యాడు. ‘కేజీఎఫ్‌’ ఫేమ్‌ అంభరివ్‌ మాస్టర్‌ ఈ భారీ యాక్ష ఎపిసోడ్ ను చిత్రీకరిస్తున్నారట. నాగ శౌర్య జాగ్రత్తలు తీసుకుని ఉంటే ఇంత ప్రమాదం జరిగేది కాదంట.

• గేమ్ ఓవర్ సినిమా రివ్యూ కోసం ఇక్కడ క్లిక్ చెయ్యండి
• వజ్ర కవచధర గోవింద సినిమా రివ్యూ కోసం ఇక్కడ క్లిక్ చెయ్యండి

ప్రమాదం జరిగిన వెంటనే యూనిట్ సభ్యులు నాగ శౌర్య ను హాస్పిటల్ కు తీసుకెళ్ళడంతో పెద్ద ప్రమాదం తప్పింది. తన సొంత బ్యానర్ అయినా ‘ఐరా ప్రొడక్షన్స్’ బ్యానర్ లో తెరకెక్కుతున్న ఈ చిత్రం షూటింగ్ ప్రస్తుతం విశాఖ పట్టణంలో జరుగుతుంది. నాగ శౌర్య ప్రస్తుతం నడవలేని పరిస్థితిలో ఉండడంతో సినిమా షెడ్యూల్ క్యాన్సిల్ అయ్యింది. ఈ చిత్రంలో మెహ్రీన్ పిర్జాద హీరోయిన్ గా నటిస్తుంది. ఇక ఈ చిత్రంతో పాటు సమంత ప్రధాన పాత్రలో తెరకెక్కుతున్న ‘ఓ బేబీ’ చిత్రంలో కూడా నటించాడు నాగ శౌర్య. త్వరలోనే ఈ చిత్రం విడుదల కానుంది.