‘కింగ్’ నాగార్జున హోస్ట్ గా వ్యవహరిస్తున్న ‘బిగ్ బాస్3’ ఇప్పటికే సక్సెస్ ఫుల్ గా రెండు వారాలు పూర్తి చేసుకుని మూడో వారంలోకి ఎంటరయ్యింది. ఇప్పటి వరకూ నాగార్జున హౌస్ మేట్స్ తో చాలా కూల్ గా కామెడీ చేస్తూ వచ్చారు. గత వారం వరకూ హౌస్ లో వివాదాలు చోటుచేసుకున్నప్పటికీ అవి భారీ స్థాయికి వెళ్ళలేదు. కానీ సోమవారం నామినేషన్ ప్రక్రియ నుండీ.. హౌస్ మేట్స్ మధ్య వివాదాలు హద్దులు దాటాయి. అంతేకాదు గ్రూపులుగా మారి ఒకరిపై ఒకరు నిందలు వేసుకుంటూ వస్తున్నారు.
ఇక ఈ వారంలో ఎలాగూ తమన్నా ఎలిమినేట్ అవుతుందని అందరూ ఫిక్సయిపోయారు. ఆవిడ చేసిన రచ్చ అంతా ఇంతా కాదు మరి. గతవారం కొత్త కాబట్టి నామినేషన్స్ నుండీ తప్పించుకుంది. ఆమె రవిని టార్గెట్ చేస్తూ.. పలికిన అసభ్యకరమైన మాటలకి ప్రేక్షకులు కూడా అసహ్యించుకుంటున్నారు. ఇక ఈ శనివారం నాగార్జున వచ్చి వీరందరికీ క్లాస్ పీకడానికి రెడీ అయినట్టు స్టార్ మా వారు ఓ ప్రోమో రిలీజ్ చేశారు. తమన్నా తో పాటు వితిక, రాహుల్, అలీ, వంటి వారి పై మండిపడుతున్నట్టు ఈ వీడియో చూస్తే స్పష్టమవుతుంది. ఇప్పటి వరకూ నాగార్జున కూల్ యాంగిల్ చూస్తూ వచ్చిన మనకి… ఆయన కోపం కూడా చూసే అవకాశాన్ని కలిపించారు హౌస్ మేట్స్. దీంతో ఈరోజు ఎపిసోడ్ పై మరింత ఆసక్తి నెలకొంది. సోషల్ మీడియాలో కూడా ‘పీకండి సార్.. బాగా పీకండి’ అంటూ కామెంట్లు పెడుతున్నారు నెటిజన్లు.
Home