ఎన్టీఆర్ కి కంగ్రాట్స్ చెప్పిన నాగార్జున!

యంగ్ టైగర్ ఎన్టీఆర్ బుల్లి తెరలో తొలి అడుగుతోనే సంచలనం సృష్టించారు. స్టార్ మా ఛానల్ వారు నిర్మిస్తున్న అతి పెద్ద రియాలిటీ షో బిగ్ బాస్ షోకి తారక్ హోస్ట్ గా వయవహరిస్తున్న సంగతి తెలిసిందే. ఈ షో ఈనెల 16 న ప్రారంభమయింది. ఆరంభపు ఎపిసోడ్  16.18 టీఆర్పీ(టెలివిజన్ రేటింగ్ పాయింట్) ను సాధించింది. ఇది వరకు  అక్కినేని నాగార్జున, చిరంజీవి వంటి సీనియర్ హీరోలు గేమ్ షోలకు హోస్ట్ గా వ్యవహరించారు. వారు ఎంత ప్రయత్నించినప్పటికీ ఆ షోలకు టీఆర్పీ 10  దాటలేకపోయింది. వారికీ సాధ్యం కానిది ఎన్టీఆర్ సుసాధ్యం చేశారు. దీంతో తారక్ కి అభినందనలు వెల్లువెత్తాయి.

అక్కినేని నాగార్జున ఎన్టీఆర్ ని ప్రశంసించారు. “బిగ్ బాస్ షోని అత్యద్భుతంగా ప్రారంభించావు. నీ ఎనర్జీ సూపర్” అంటూ ఈరోజు ట్వీట్ చేశారు. నాగ్ ట్వీట్ పై ఎన్టీఆర్ వెంటనే స్పందించారు. “థ్యాంక్స్ బాబాయ్. మీరు చూపించిన మార్గమే ఇందుకు కారణం” అంటూ రీట్వీట్ చేశారు.  రాబోవు రోజుల్లో ఎన్టీఆర్ మరింత ఉత్సాహంతో ప్రదర్శన ఇచ్చి బిగ్ బాస్ షోని విజయవంతం చేస్తాడనడంలో ఎటువంటి సందేహం అవసరం లేదు.

Also, do SUBSCRIBE to our YouTube channel to get latest Tollywood updates.