Nagarjuna, Mahesh Babu: ఆ ట్వీట్ పై స్పందించి క్లారిటీ ఇచ్చిన నాగార్జున..!

September 26, 2022 / 07:55 PM ISTByFilmy Focus

Join Us

Nagarjuna, Mahesh Babu: ఆ ట్వీట్ పై స్పందించి క్లారిటీ ఇచ్చిన నాగార్జున..!

నాగార్జున నటించిన ‘ది ఘోస్ట్’ మూవీ ట్రైలర్ ను మహేష్ బాబు లాంచ్ చేసిన సంగతి తెలిసిందే. అదే రోజున నాగార్జున స్పెషల్ గా థాంక్స్ చెబుతూ ట్వీట్ వేశాడు. అంతేకాకుండా 29 ఏళ్ల క్రితం వారసుడు చిత్రంలో మహేష్ తండ్రి కృష్ణ తో కలిసి నటించిన విషయాన్ని నాగార్జున గుర్తు చేసి.. ఆ సర్కిల్ ను మనం ఎందుకు ఫిల్ చేయకూడదు అంటూ కదా అంటూ నాగార్జున పేర్కొన్నాడు. ఇందుకు మహేష్ బాబు బదులిస్తూ..’

నేను కూడా ఆ మూమెంట్ కోసం ఎంతో ఆతృతగా ఎదురుచూస్తున్నాను ‘ అనే అర్థం వచ్చేలా రిప్లై ఇచ్చాడు.వీరి ట్వీట్లు చాలా చర్చలకు దారితీసాయి. నిజానికి వీళ్ళ కాంబో ఎప్పుడో సెట్ అవ్వాలి. మణిరత్నం దర్శకత్వంలో ఈ కాంబినేషన్ లో మల్టీస్టారర్ రూపొందుతుందనే ప్రచారం గతంలో జరిగింది. కానీ ఆ ప్రాజెక్ట్ సెట్ కాలేదు. మరోసారి వీరి కాంబోలో మల్టీస్టారర్ పై చర్చ జరగడంతో.. ఇది హాట్ టాపిక్ అయ్యింది.

రాజమౌళితో మహేష్ చేయబోయే సినిమాలో నాగార్జున కూడా నటించే అవకాశాలు ఉన్నాయి అనే చర్చలు నడిచాయి. నిన్న ‘ఘోస్ట్’ ప్రీ రిలీజ్ వేడుకలో మళ్ళీ ఈ టాపిక్ పై చర్చ జరిగింది. ‘మహేష్ ఎప్పుడంటే అప్పుడు నేను మల్టీస్టారర్ చేయడానికి రెడీ’ అంటూ నాగార్జున తేల్చి చెప్పేశారు. దీనికి ఈసారి మహేష్ ఎలా రియాక్ట్ అవుతాడు అనేది ఆసక్తికరంగా మారింది.

వీరిద్దరి కాంబినేషన్లో మల్టీస్టారర్ కనుక వస్తే… కచ్చితంగా అది క్రేజీ మల్టీస్టారర్ అవుతుంది. ఎందుకంటే ఇద్దరు టాలీవుడ్ అందగాళ్ళు మరియు స్టార్ హీరోలు అయిన మహేష్, నాగ్ కలిస్తే సిల్వర్ స్క్రీన్ కు కళ కూడా వస్తుంది అని ప్రేక్షకులు నమ్ముతున్నారు.