నాగార్జున కెరీర్లో టాప్ మూవీస్ తీసుకుంటే అందులో ‘మన్మధుడు’ చిత్రానిది ప్రత్యేక స్థానం. కె విజయభాస్కర్ దర్శకత్వంలో 2002లో వచ్చిన ఈ చిత్రం టీవీలో వస్తే ఇప్పటికీ చూడటానికి చాలా మంది ఇస్టపడుతుంటారు. నాగార్జున, సోనాలి బింద్రే నటనతో పాటు త్రివిక్రమ్ శ్రీనివాస్ అందించిన కథ, డైలాగులు, దేవిశ్రీ ప్రసాద్ మ్యూజిక్ ఇలా సినిమాలో అన్నీ ప్రేక్షకులకు తెగ నచ్చేశాయి. దాదాపు పదిహేనేళ్ల తర్వాత మళ్లీ మన్మధుడు పేరు తెరపైకి వచ్చింది. త్వరలో ఈ చిత్రానికి సీక్వెల్ రాబోతోందనే ప్రచారం మొదలైంది. అందుకు కారణం ‘మన్మధుడు 2’ అనే టైటిల్ రిజిస్టర్ చేయించడమే.
అయితే.. తాజా సమాచారం ప్రకారం ఈ సీక్వెల్ ను ఇటీవల దర్శకుడిగా “చిలసౌ” చిత్రంతో తన ఘనతను గట్టిగా చాటుకొన్న రాహుల్ రవీంద్రన్ డైరెక్ట్ చేయనున్నాడని వినికిడి. ఈ విషయాన్ని ఇటీవల నాగచైతన్య కన్ఫర్మ్ చేయగా.. నాగార్జున కూడా “దేవదాస్” అనంతరం ఇమ్మీడియట్ గా “మన్మధుడు 2″ను సెట్స్ మీదకు తీసుకోచ్చేందుకు సన్నద్ధమవుతున్నారని తెలుస్తోంది. అన్నపూర్ణ స్టూడియోస్ పతాకంపై నిర్మాణమవ్వనున్న ఈ చిత్రానికి సంబంధించిన పూర్తిస్థాయి వివరాలు త్వరలో వెల్లడికానున్నాయి.
