నటసింహ నందమూరి బాలకృష్ణ ‘అఖండ’, ‘వీర సింహా రెడ్డి’ వరుసగా రెండు బ్లాక్ బస్టర్స్ కొట్టి ఫుల్ జోష్‌లో ఉన్నాడు. ఈ రెండు సినిమాలూ హైదరాబాద్ ఆర్టీసీ క్రాస్ రోడ్స్‌లో రూ. కోటి రూపాయల గ్రాస్ వసూలు చేయడం విశేషం. ప్రస్తుతం అనిల్ రావిపూడి దర్శకత్వంలో, షైన్ స్క్రీన్స్ బ్యానర్‌లో సినిమా చేస్తున్న సంగతి తెలిసిందే. బాలయ్య నటిస్తున్న 108వ చిత్రమిది.. ఈ నెల మూడో వారం నుండి సెకండ్ షెడ్యూల్ స్టార్ట్ అవనుంది.
శ్రీలీల కూతురిగా నటిస్తుండగా.. కథానాయికగా కాజల్ అగర్వాల్ దాదాపు ఫిక్స్ అయినట్టేనని సమాచారం.. సినిమాలు, రాజకీయాలు, క్యాన్సర్ హాస్పిటల్ బాధ్యతలు, సేవా కార్యక్రమాలు, టాక్ షో.. ఇలా ఫుల్ బిజీగా ఉంటున్న బాలయ్య.. గతకొద్ది రోజులుగా పనులన్నీ పక్కన పెట్టి.. అన్నయ్య నందమూరి మోహన కృష్ణ కొడుకు తారక రత్న చికిత్స పొందుతున్న బెంగుళూరులోని ఆసుపత్రి దగ్గరే ఉంటున్నారు. కుటుంబ సభ్యులకు ఎప్పటికప్పుడు తారక రత్న ఆరోగ్య పరిస్థితి గురించి వివరిస్తున్నారు.
అన్నకొడుకు కోలుకోవాలంటూ ఆయన పడే ఆరాటం, పొందుతున్న ఆవేదన అభిమానులను కలచి వేసింది.. తారక్ ఇప్పుడిప్పుడే కోలుకుంటున్నాడని సమాచారం.. బాలయ్య మళ్లీ పనిలో పడ్డాడు.. 4 దశాబ్దాల సినీ కెరీర్‌లో ఇప్పటివరకు ప్రకటనల జోలికి వెళ్లని నటసింహం ఇటీవల ప్రముఖ రియల్ ఎస్టేట్ సాయి ప్రియ కన్‌స్ట్రక్షన్స్ యాడ్లో నటించి మెప్పించాడు. ఇప్పుడు మరో పాపులర్ జ్యువెలరీ కంపెనీకి సంబంధించిన షూటింగ్‌లో పాల్గొంటున్నాడు.
ఇటీవలే ఈ బ్రాండ్‌కి చెందిన అగ్రిమెంట్స్ కంప్లీట్ చేశారు. ‘అఖండ’ లో ఆకట్టుకున్న ప్రగ్యా జైస్వాల్, బాలయ్యకి జోడీగా నటిస్తోంది. హైదరాబాద్ రామోజీ ఫిలిం సిటీలో చిత్రీకరణ జరుగుతోందిని అంటున్నారు. ఇదిలా ఉంటే.. బాలయ్య 109వ సినిమా గురించి సోషల్ మీడియాలో వార్తలు వైరల్ అవుతున్నాయి. ఒకరు, ఇద్దరు కాదు ఏకంగా ముగ్గురు దర్శకుల పేర్లు వినిపిస్తున్నాయి. వారిలో బోయపాటి, పూరి జగన్నాధ్ కూడా ఉన్నారు. మరికొద్ది రోజుల్లో NBK 109 అఫీషియల్ అనౌన్స్‌మెంట్ రానుంది..
అమిగోస్ సినిమా రివ్యూ & రేటింగ్!
పాప్ కార్న్ సినిమా రివ్యూ & రేటింగ్!
వేద సినిమా రివ్యూ & రేటింగ్!
యూ.ఎస్ లో టాప్ గ్రాసర్స్ గా నిలిచిన 10 టాలీవుడ్ సినిమాలు..!
