Hero Nani: నాని శ్యామ్ సింగరాయ్.. అసలు మ్యాటర్ ఇదే!

నాచురల్ స్టార్ నాని ప్రస్తుతం శ్యామసింగరాయ్, అంటే సుందరానికి, టక్ జగదీశ్ సినిమాలు చేస్తున్నారు. అయితే వీటిలో టక్ జగదీశ్ ఇప్పటికే షూటింగ్ మొత్తం పూర్తి చేసుకుని అతి త్వరలో రిలీజ్ కి రెడీ అవుతుండగా, అంటే సుందరానికి మూవీ ఇటీవల షూటింగ్ ని ప్రారంభించింది. అయితే తదుపరి నాని నుండి విడుదల కానున్న శ్యామసింగరాయ్ మూవీ కి సంబంధించి ప్రస్తుతం శరవేగంగా షూటింగ్ జరుగుతున్నట్లు తెలుస్తోంది. నాని కి జోడీగా సాయి పల్లవి,

కృతి శెట్టి హీరోయిన్స్ గా నటిస్తున్న ఈ సినిమాకి రాహుల్ సంకృత్యాన్ దర్శకత్వం వహిస్తుండగా ఈ మూవీని వెంకట్ బోయినపల్లి ఎంతో భారీగా నిర్మిస్తున్నారు. మిక్కీ జె మేయర్ సంగీతం అందిస్తున్న ఈ సినిమాకి సంబంధించి ప్రస్తుతం ఒక న్యూస్ ఫిలిం నగర్ వర్గాల్లో వైరల్ అవుతోంది. అదేమిటంటే ఈ మూవీ కొన్నేళ్ల క్రితం జరిగిన పీరియాడికల్ డ్రామా నేపథ్యంలో సాగే సూపర్ నాచురల్ థ్రిల్లర్ మూవీ గా రూపొందుతున్నట్లు టాక్.

సినిమాలో ఎన్నో ఆసక్తికర అంశాలు ఉన్నాయని, అలానే అన్ని వర్గాల ఆడియన్స్ ని ఆకట్టుకునేలా దర్శకుడు రాహుల్ ఈ సినిమాని ఎంతో అద్భుతంగా తీస్తున్నారని ఇన్నర్ వర్గాల టాక్. ఇటీవల రిలీజ్ అయిన నాని, సాయి పల్లవి ల ఫస్ట్ లుక్ పోస్టర్స్ అందరిలో మూవీపై మరింతగా అంచనాలు పెంచాయి. మరి ఇంత భారీ స్థాయిలో అందరిలో అంచనాలు ఏర్పరిచిన శ్యామసింగరాయ్ సినిమా రేపు విడుదల తరువాత ఎంత మేర సక్సెస్ కొడుతుందో చూడాలి.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!