Narayana & Co Review in Telugu: నారాయణ & కో సినిమా రివ్యూ & రేటింగ్!

నటీనటుల పనితీరు : ఇందులో ముందుగా చెప్పుకోవాల్సింది దేవి ప్రసాద్ గురించి. గతంలో ఆయన ఇలాంటి పాత్ర చేయలేదు. ఇతనిలో ఇంత కామెడీ టైమింగ్ ఉందని ఎక్కువమందికి కూడా తెలీదు అనడంలో అతిశయోక్తి లేదు. నారాయణ పాత్రకి ఇతను తన వంతు న్యాయం చేశాడు అనడంలో అతిశయోక్తి లేదు. ఆమని కూడా అక్కడక్కడా నవ్వించింది. సుధాకర్ కొమాకుల జస్ట్ ఓకే. ఆ సీనియర్స్ ముందు ఇతని సిన్సియర్ ఎఫర్ట్ ఎందుకో చిన్నగా కనిపించింది. ఆరతి ఓకే అనిపించింది. జై కృష్ణ కూడా జస్ట్ ఓకే అనిపించాడు. మిగిలిన నటీనటులు తమ పాత్రలకు న్యాయం చేశారు.

సాంకేతిక నిపుణుల పనితీరు : దర్శకుడు చిన్న పాపిశెట్టి ఫస్ట్ హాఫ్ విషయంలో పర్వాలేదు అనిపించాడు. రొటీన్ కథ అయినప్పటికీ ఫస్ట్ హాఫ్ లో అలాంటి ఫీలింగ్ రాదు. సెకండాఫ్ విషయంలో పూర్తిగా గాడి తప్పాడు. ఎంటర్టైన్మెంట్ మిస్ అవ్వడంతో పాటు సెకండాఫ్ లో ల్యాగ్ అనే ఫీలింగ్ కూడా ఆద్యంతం కలుగుతూనే ఉంటుంది.నిర్మాణ విలువలు జస్ట్ ఓకే. నాగ వంశీ, సురేష్ బొబ్బిలి, జోశ్యభట్ల శర్మ సాంగ్స్ విషయంలో న్యాయం చేశారు. కానీ బిజీయం నిరాశపరిచింది. సినిమాటోగ్రఫీ కూడా అంతంత మాత్రమే.రన్ టైం 2 గంటల 16 నిమిషాలే ఉండటం ఓ ప్లస్ పాయింట్ అని చెప్పుకోవాలి.

విశ్లేషణ : ఫస్ట్ హాఫ్ వరకు ‘నారాయణ & కో’ పర్వాలేదు అనిపిస్తుంది. సెకండ్ హాఫ్ విషయంలో దర్శకుడు జాగ్రత్త పడుంటే.. కంటెంట్ పరంగా పాస్ మార్కులు వేయించుకునేది ఈ మూవీ. కానీ ఇప్పుడు యావరేజ్ మూవీ అనే టాక్ తో సరిపెట్టుకుంటుంది. అయినప్పటికీ ఒకసారి ట్రై చేయొచ్చు.

రేటింగ్ :2.25/5

Click Here To Read in TELUGU