Nayanathara: నయన్‌ vs నయనతార… రెండ్రోజుల గ్యాప్‌లో బాక్సాఫీసు దగ్గర సందడి

ఒకే హీరోయిన్‌ నుండి ఒక సీజన్‌లో రెండు సినిమాలు రావడమే కష్టమైపోతున్న రోజులివి. ఒకప్పుడు హీరోల విషయంలో ఇలాంటివి జరిగేవి. కానీ ఇప్పుడు హీరోయిన్ల విషయంలోనూ జరుగుతోంది. ఇలాంటి సమయంలో ఓ హీరోయిన్‌ నుండి రెండు రోజుల గ్యాప్‌లో రెండు సినిమాలు రిలీజ్‌ అవుతున్నాయి అంటే పెద్ద విషయమే అని చెప్పాలి. ఇప్పుడు ఇదే ఫీట్‌ చేస్తోంది లేడీ సూపర్‌ స్టార్‌ నయనతార. ఆమె నటించిన సినిమాలు ఈ నెలలో రెండు రోజుల గ్యాప్‌లో రిలీజ్‌ అవుతున్నాయి. అవే ‘హాయ్‌’, ‘టాక్సిక్‌’.

Nayanathara

యశ్‌ హీరోగా గీతూ మోహన్‌దాస్ దర్శకత్వంలో తెరకెక్కిన సినిమా ‘టాక్సిక్‌’. ఈ సినిమాలో గంగ అనే గ్యాంగ్‌స్టర్‌గా నయన్‌ కనిపించనుంది. ఈ సినిమా ఆగస్టు 26న ప్రపంచవ్యాప్తంగా విడుదల కానుంది. అక్కడికి రెండు రోజుల తర్వాత ‘హాయ్‌’ అనే తమిళ బేస్డ్‌ సినిమా విడుదల అవుతోంది. కవిన్‌కు జోడీగా ఈ సినిమాలో నయనతార నటించింది. ఈ సినిమా సగటు అమ్మాయిలా కనిపించబోతోంది. రెండుకు రెండు పాత్రలూ పూర్తిగా డిఫరెంట్‌.

దీంతో ఆమె అభిమానులకు ఇదొక పండగ అనే చెప్పాలి. ‘బిల్లా’ సినిమా తర్వాత నయన్‌లో గ్యాంగ్‌స్టర్‌ లుక్‌ అండ్‌ యాంగిల్‌ మిస్‌ అయ్యారు ఆమె ఫ్యాన్స్‌. ఇక ఆమె సాధారణ అమ్మాయికి చాలా మంది ఫ్యాన్స్‌ ఉన్నారు. ఈ రెండూ ఒకేసారి అంటే స్పెషలే కదా. మామూలుగా అయితే ఈ రెండు సినిమాలు రెండు వారాల గ్యాప్‌లో రావాలి. కానీ ‘హాయ్‌’ సినిమా విడుదల అనుకోకుండా వాయిదా పడింది.

అన్నట్లు నయనతార నార్మల్‌గా సినిమాల ప్రమోషన్‌లకు, ఈవెంట్‌లకు దూరంగా ఉంటుంది. కానీ ఇప్పుడు తన శైలిని మార్చుకొని ప్రచారానికి వస్తున్నారు. ‘టాక్సిక్’ లాంచ్ ఈవెంట్‌లో పాల్గొన్న ఆమె.. అప్పటికే ‘హాయ్’ సినిమా ప్రమోషన్లలో యాక్టివ్‌గా పాల్గొంటూ వచ్చారు. సినిమాల మీద ఆమెకు ఉన్న నమ్మకమే ఈ రాకకు కారణమని తెలుస్తోంది. అప్పటివరకు తన భర్త తీసే, తీయించే సినిమాల ప్రచారానికే నయన్‌ వచ్చేది. ‘మన శంకర్‌ వరప్రసాద్‌ గారు’తో ఆమెలో ఈ ‘ప్రచార’ మార్పు చూస్తున్నాం.

రూమర్లకు చెక్‌… ‘ఇరుముడి’ కథ గురించి తొలిసారి స్పందించిన దర్శకుడు