వ్యక్తిగతంగా.. వృత్తిపరంగా అనేక ఎత్తుపల్లాలు చూసిన నటి నయనతార. ఓ వైపు స్టార్ హీరోల సరసన హీరోయిన్ గా నటిస్తూనే.. లేడీఓరియేంటేడ్ సినిమాలతో దూసుకుపోతోంది. రెండు విభాగాల్లో విజయాన్ని సొంతంచేసుకోవడం ఆమె అదృష్టం. అందుకే దక్షిణాదిలోని టాప్ హీరోయిన్ జాబితాలో ముందు వరుసలో నిలిచింది. అంతేకాదు అత్యధిక రెమ్యునరేష్ అందుకుంటోంది. అంత క్రేజ్ సంపాదించుకున్న నయనతార తాజాగా చేసిన సినిమా “కొలమావు కోకిల”. ఇందులో ఆర్ధిక ఇబ్బందుల్లో నుంచి బయటపడటానికి డ్రగ్స్ అమ్మడానికి సిద్ధపడ్డ అమ్మాయిగా నయన కనిపించనుంది. నెల్సన్ దర్శకత్వంలో తెరకెక్కిన ఈ మూవీ ఆగస్టు 10వ తేదీన విడుదల కానుంది.
అనిరుధ్ సంగీతాన్ని అందించిన ఈ సినిమాపై భారీ అంచనాలు ఉన్నాయి. అదే రోజున విశ్వనటుడు కమలహాసన్ “విశ్వరూపం 2 ” సినిమా కూడా థియేటర్లకు రానుంది. విశ్వరూపం మొదటి పార్ట్ వివాదాలను దాటుకుని విజయం అందుకుంది. అందుకు సీక్వెల్ గా వస్తున్న ఈ చిత్రంపై అంచనాలు మామూలుగా లేదు. పైగా కమల్ హాసన్ కి ఫాలోయింగ్ ఎక్కువ. అయినప్పటికీ కమల్ హాసన్ తో పోటీ పడేందుకు నయనతార సిద్ధమైంది. మరి విజయం ఎవరిని వరిస్తుందో చూడాలి.
Home