డిఫరెంట్ చిత్రాలలో నటిస్తూ తనకంటూ ఓ ప్రత్యేక ఇమేజ్ ను సొంతం చేసుకున్నాడు నిఖిల్. తాజాగా నిఖిల్ నటిస్తున్న ముద్ర చిత్రం షూటింగ్ పూర్తి చేసుకొని ప్రస్తుతం పోస్ట్ ప్రొడక్షన్ పనులు జరుపుకుంటుంది. లావణ్య త్రిపాఠి హీరోయిన్ గా నటిస్తున్న ఈ చిత్రంలో నిఖిల్ జర్నలిస్ట్ పాత్రను పోషిస్తున్నాడు. ఇక ఇదే టైటిల్ మరియు లోగో తో బుకింగ్ సైట్స్ లో మరో చిత్రం దర్శనమివ్వడం అందరినీ షాక్ కి గురి చేసింది. జనవరి 25 న (రేపు) విడుదలకాబోతున్న ఈ చిత్రానికి నిఖిల్ నటించిన ముద్ర సినిమా లోగో తో పాటు క్యాస్టింగ్ లో ఆయన పేరును కూడా చేర్చడం… అందరినీ అయోమయానికి గురిచేసింది. బజ్ క్రియేట్ చేయడానికి కొందరు కావాలని ఈ వింధంగా చేసినట్టు స్పష్టమవుతుంది.
దీంతో చాలా మంది ఇది నిఖిల్ నటించిన ముద్ర అనుకుని.. టికెట్స్ బుక్ చేసుకున్నారట. ఇది తెలుసుకున్న నిఖిల్ వెంటనే స్పందించాడు. నిఖిల్ తన ట్విట్టర్ ద్వారా స్పందిస్తూ… “గాయ్స్ .. నా సినిమా ఈ వారంలో రిలీజ్ కావట్లేదు…. కొందరు కావాలని నా సినిమా లోగో మరియు నా పేరును వాడుకొని బుకింగ్ యాప్స్ లోపెట్టారు… ఈ విషయం పై మా నిర్మాతలు చర్యలు తీసుకుంటారు… త్వరలోనే ఆ వివరాలు తెలియజేస్తాను… ఇది చాలా అవమానకరం..” అంటూ ట్వీట్ చేసాడు నిఖిల్.
Home
