చివరి షెడ్యూల్లో నిఖిల్ ముద్ర.. త్వ‌ర‌లో టీజ‌ర్ విడుద‌ల‌..

యంగ్ హీరో నిఖిల్ సిద్దార్థ్, లావ‌ణ్య త్రిపాఠి జంట‌గా తెర‌కెక్కుతున్న యాక్ష‌న్ ఎంట‌ర్ టైన‌ర్ ముద్ర‌. ఈ చిత్రాన్ని టిఎన్ సంతోష్ తెర‌కెక్కిస్తున్నారు. వాస్త‌విక సంఘ‌ట‌నల ఆధారంగా జ‌ర్న‌లిజం నేప‌థ్యంలో తెర‌కెక్కుతున్న సినిమా ఇది. ముద్ర షూటింగ్ చివ‌రిద‌శ‌లో ఉంది. ఐదు రోజుల టాకీ.. ఓ పాట ఈ నెల‌లో పూర్తి చేయ‌నున్నారు. డ‌బ్బింగ్ వ‌ర్క్స్, పోస్ట్ ప్రొడ‌క్ష‌న్ ప‌నులు ఒకేసారి పూర్తి చేస్తున్నారు చిత్ర‌యూనిట్. అద్భుత‌మైన ఔట్ పుట్ ఇవ్వ‌డానికి చాలా జాగ్ర‌త్త‌లు తీసుకుంటున్నారు ద‌ర్శ‌క నిర్మాత‌లు. ఈ చిత్రంలో గ్రాఫిక్స్ వ‌ర్క్స్ కూడా ఉన్నాయి.. దాంతో పాటు భారీ యాక్ష‌న్ సీక్వెన్సులు ఉన్నాయి.. అందుకే కాస్త స‌మ‌యం ఎక్కువ‌గా తీసుకుంటున్నారు యూనిట్.

• వినయ విధేయ రామ రివ్యూ కోసం ఇక్కడ  క్లిక్ చేయండి
• ‘ఎన్టీఆర్ -కథానాయకుడు’ రివ్యూ కోసం ఇక్కడ క్లిక్ చేయండి 
• ‘పేట’ రివ్యూ కోసం ఇక్కడ క్లిక్ చేయండి
• ఎఫ్ 2 రివ్యూ కోసం ఇక్కడ క్లిక్ చేయండి

ఇందులో జ‌ర్న‌లిస్ట్ పాత్ర‌లో న‌టిస్తున్నారు నిఖిల్.. ఫ‌స్ట్ లుక్ కు కూడా అద్భుత‌మైన రెస్పాన్స్ వ‌చ్చింది. టీజ‌ర్ త్వ‌ర‌లోనే విడుద‌ల కానుంది. స్యామ్ సిఎస్ ఈ చిత్రానికి సంగీతం అందిస్తున్నారు. వెన్నెల కిషోర్, పోసాని కృష్ణ‌ముర‌ళి, నాగినీడు, ప్ర‌గ‌తి, స‌త్య‌, త‌రుణ్ అరోరా, రాజా ర‌వీంద్ర ఈ చిత్రంలో స‌హాయ పాత్ర‌ల్లో న‌టిస్తున్నారు. ఔరా సినిమాస్ పివిటి, మూవీ డైన‌మిక్స్ ఎల్ఎల్పి బ్యాన‌ర్స్ పై కావ్య వేణుగోపాల్, రాజు కుమార్ నిర్మిస్తున్నారు. బి మ‌ధు ఈ చిత్రాన్ని స‌మ‌ర్పిస్తున్నారు.