వైరల్ అవుతున్న నితిన్ లవర్ ఫోటోలు..!

February 14, 2020 / 08:17 PM ISTByFilmy Focus

Join Us

‘శ్రీనివాస్ కళ్యాణం’ సినిమా తర్వాత ఏడాదిన్నర గ్యాప్ తర్వాత నితిన్ చేస్తున్న చిత్రం ‘భీష్మ’. ‘ఛలో’ ఫేమ్ వెంకీ కుడుముల డైరెక్షన్లో తెరకెక్కిన ఈ చిత్రం ఫిబ్రవరి 21 న విడుదల కాబోతుంది. ఈ చిత్రంలో రష్మిక మందన హీరోయిన్. ఇదిలా ఉండగా.. నితిన్ త్వరలోనే పెళ్లిచేసుకోబోతున్నాడు అంటూ వార్తలు వస్తోన్న సంగతి తెలిసిందే. 4 ఏళ్లుగా ఓ అమ్మాయితో నితిన్ ప్రేమలో ఉన్నాడని.. ఇప్పుడు పెద్దలు అంగీకరించడంతో పెళ్లికి రెడీ అవుతున్నట్టు ప్రచారం జరిగింది.

నితిన్ పెళ్లి చేసుకోబోతున్న అమ్మాయి పేరు.. షాలిని రెడ్డి అని.. ఆమె ఒక ఎం.బి.ఏ గ్రాడ్యుయేట్ అంటూ అప్పట్లో వార్తలు వచ్చాయి. అయితే ఆమె ఫోటో మాత్రం బయటకి రాలేదు. కానీ తాజాగా నితిన్ కు కాబోయే భార్య ఈమె అంటూ ఓ ఫోటో వైరల్ అవుతుంది. రేపు నితిన్ ఇంట్లో ఎంగేజ్మెంట్ అనే వార్తలు కూడా వస్తున్నాయి. ఇక ఏప్రిల్ 16న దుబాయ్ లో డెస్టినేషన్ వెడ్డింగ్ అని కూడా ప్రచారం జరిగింది. ఈ పెళ్లి పనులన్నిటినీ నితిన్ సోదరి నికిత రెడ్డి దగ్గరుండి చేసుకుంటున్నట్టు కూడా తెలుస్తుంది.