Nithiin: నితిన్ తో ప్రయోగాత్మక సినిమా!

టాలీవుడ్ యంగ్ హీరో నితిన్ ఈ మధ్యకాలంలో సక్సెస్ లేక ఇబ్బంది పడుతున్నారు. భారీ అంచనాల మధ్య విడుదలైన ‘మాచర్ల నియోజకవర్గం’ సినిమా డిజాస్టర్ అవ్వడంతో డీలా పడ్డారు. దీంతో తన తదుపరి సినిమాతో ఎలాగైనా సక్సెస్ అందుకోవాలని చూస్తున్నారు. ఈ క్రమంలో వక్కంతం వంశీ దర్శకత్వంలో ఓ సినిమా చేస్తున్నారు. మాస్ ఎంటర్టైనర్ గా దీన్ని తెరకెక్కిస్తున్నారు. దీని తరువాత సినిమాను కూడా లైన్ లో పెట్టుకున్నారు నితిన్.

తనకు ‘భీష్మ’ లాంటి హిట్ సినిమా ఇచ్చిన దర్శకుడు వెంకీ కుడుములతో కలిసి మరో సినిమా చేయబోతున్నారు నితిన్. నిజానికి వెంకీ కుడుముల తన నెక్స్ట్ సినిమాను మెగాస్టార్ చిరంజీవితో చేయాల్సింది కానీ కొన్ని కారణాల వలన ఆ సినిమా హోల్డ్ లో పడింది. అది పట్టాలెక్కే ఛాన్స్ ఉన్నా.. ఇప్పట్లో అయితే కుదరదు. కాబట్టి నితిన్ తో ఓకే అయిన ప్రాజెక్ట్ ను ముందుగా సెట్స్ పైకి తీసుకెళ్లాలనుకుంటున్నారు.

అయితే ఈసారి నితిన్ తో ఒక ప్రయోగాత్మక సినిమాను చేయడానికి రెడీ అవుతున్నారు వెంకీ కుడుముల. ఒక అరుదైన వ్యాధి వలన నెల రోజుల్లో తాను చనిపోబోతున్నానని తెలిసిన కుర్రాడు.. ఆ నెల రోజుల కాలాన్ని ఎలా గడిపాడు..? రాబోయే తన మరణం గురించి తెలిసి జనాలు అతడితో ఎలా ప్రవర్తించారు..? చివరికి అతడి జీవితానికి దక్కిన ముగింపు ఏంటి..? అనే కథాంశంతో ఈ సినిమా తెరకెక్కనుంది.

స్టోరీ లైన్ వింటుంటే.. విషాదభరితంగా అనిపించినా.. మేకింగ్, స్క్రీన్ ప్లే వెంకీ స్టైల్ లో సరదాగా ఉంటుందని.. నితిన్ కెరీర్ లో ఇదొక వైవిధ్యమైన సినిమా అవుతుందని అంటున్నారు. ఇలాంటి ఎమోషనల్ కంటెంట్ ను నితిన్ బాగానే పండించగలరు. కాబట్టి ఈ ప్రాజెక్ట్ పై అతడు చాలా నమ్మకంతో ఉన్నారట. త్వరలోనే ఈ ప్రాజెక్ట్ గురించి మరిన్ని వివరాలు తెలియాల్సివున్నాయి.

2008 లోనే హనీ రోజ్ చేసిన తెలుగు సినిమా ఏదో తెలుసా ??
నటి శృతి హాసన్ పాడిన 10 పాటలు ఇవే!

షారుఖ్-సల్మాన్ కలిసొచ్చినా… బాహుబలి, ఆర్ఆర్ఆర్, కెజిఫ్ లను కొట్టలేకపోయారు!
కాంబినేషన్ మాత్రం క్రేజీ – కానీ అంచనాలు మించే సినిమాలు అవుతాయి అంటారా?