Macherla Niyojakavargam: నితిన్ సినిమా ఓటీటీ రిలీజ్ డేట్ ఫిక్స్.. ఎప్పటి నుండి అంటే?

నితిన్- కృతి శెట్టి జంటగా నటించిన లేటెస్ట్ మూవీ ‘మాచర్ల నియోజకవర్గం’. ఆగస్టు 12న విడుదలైన ఈ మూవీ మొదటి షోతోనే నెగిటివ్ టాక్ ను మూటకట్టుకుంది. డెబ్యూ దర్శకుడు ఎం.ఎస్.రాజశేఖర్ రెడ్డి తెరకెక్కించిన మూవీ ఇది.రిలీజ్ కు ముందు ఈ మూవీ మంచి అంచనాలు క్రియేట్ చేసింది.పాటలు, టీజర్, ట్రైలర్ వంటివి ప్రేక్షకులను విశేషంగా ఆకట్టుకున్నాయి.అందుకే సినిమాపై మంచి అంచనాలు క్రియేట్ అయ్యాయి. కానీ ఆ అంచనాలను సినిమా అందుకోలేకపోయింది.

మొదటి రోజు ఓకే అనిపించిన ‘మాచర్ల నియోజకవర్గం’ కలెక్షన్లు రెండో రోజు నుండి దారుణంగా పడిపోయాయి. ‘సీతా రామం’ ‘కార్తికేయ2’ ‘బింబిసార’ వంటి హిట్ చిత్రాల మధ్య ఈ మూవీ నలిగిపోయింది. ‘శ్రేష్ట్ మూవీస్’ బ్యానర్ పై నితిన్ తండ్రి సుధాకర్ రెడ్డి, నికిత రెడ్డి లు కలిసి ఈ చిత్రాన్ని నిర్మించారు. ఇక థియేటర్లలో నిరాశపరిచిన ఈ సినిమా.. ఓటీటీ రిలీజ్ అయినప్పుడు చూసి ఎందుకు సినిమా ప్లాప్ అయ్యింది అనే విషయాలు తెలుసుకోవాలని చాలా మంది ప్రేక్షకులు ఆశపడ్డారు.

మొదట అమెజాన్ ప్రైమ్లో ఈ చిత్రం రిలీజ్ కావాల్సి ఉంది. కానీ ఆర్థిక లావాదేవీల విషయంలో చిన్న చిన్న గ్యాప్స్ రావడంతో.. నిర్మాతలు ఆ ఆఫర్ ను వదులుకున్నారు. కొత్త సినిమాలు చాలా వరకు ఓటీటీలో స్ట్రీమింగ్ కు రెడీగా ఉన్నా.. ‘మాచర్ల’ మాత్రం వెంటనే రాలేదు. అయితే ఎట్టకేలకు ‘మాచర్ల..’ ఓటీటీ రిలీజ్ కు ఉన్న అడ్డంకులు తొలగిపోయాయి.

ఈ చిత్రం డిజిటల్ హక్కులను జీ5 వారు కొనుగోలు చేశారు. డిసెంబర్ 9 నుండి ఈ మూవీ జీ5 లో స్ట్రీమింగ్ కానుంది. మరి ఇక్కడ ఎలాంటి ఫలితాన్ని అందుకుంటుందో చూడాలి.

లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..