Thammudu: ‘సంక్రాంతి వస్తున్నాం’ వల్ల ‘తమ్ముడు’ కి కలిసొచ్చిందా?

నితిన్ (Nithiin) హీరోగా ‘తమ్ముడు’ (Thammudu) రూపొందింది. దిల్ రాజు (Dil Raju) ఈ చిత్రాన్ని నిర్మించారు. శ్రీరామ్ వేణు దర్శకుడు. ఇటీవల విడుదలైన ట్రైలర్ ప్రేక్షకుల నుండి పాజిటివ్ రెస్పాన్స్ ని రాబట్టుకుంది. ‘కాంతార’ (Kantara) ఫేమ్ సప్తమి గౌడ (Sapthami Gowda) హీరోయిన్ గా నటించిన ఈ సినిమాలో సీనియర్ హీరోయిన్ లయ (Laya) కీలక పాత్ర పోషించింది.

Thammudu

అలాగే వర్ష బొల్లమ్మ వంటి యంగ్ హీరోయిన్ కూడా కీలక పాత్ర పోషించింది. సినిమా కోసం దిల్ రాజు (Dil Raju) రూ.75 కోట్లు బడ్జెట్ పెట్టినట్లు తెలిపారు. పారితోషికాలు కాకుండా కేవలం మేకింగ్ కోసమే రూ.38 కోట్లు ఖర్చు చేసినట్టు దిల్ రాజు చెప్పడం జరిగింది. నితిన్ గత చిత్రం ‘రాబిన్ హుడ్’ (Robinhood) కి కూడా రూ.70 కోట్లు బడ్జెట్ పెట్టారు. ఆ సినిమా అందులో సగం కూడా రికవరీ చేయలేదు అనేది అప్పట్లో గట్టిగా నడిచిన టాక్.

అయినప్పటికీ దిల్ రాజు (Dil Raju) ‘తమ్ముడు’ (Thammudu) కోసం రూ.75 కోట్లు పెట్టడం అంటే సాహసమనే కామెంట్స్ వినిపించాయి. అయితే లేటెస్ట్ టాక్ ప్రకారం.. ‘తమ్ముడు’ సినిమాకి నాన్ థియేట్రికల్ రైట్స్ రూపంలో రూ.38 కోట్లు వెనక్కి వచ్చేశాయట. నెట్ ఫ్లిక్స్ సంస్థ డిజిటల్ రైట్స్ ను ఫ్యాన్సీ రేటుకి కొనుగోలు చేసింది.

అలాగే ‘స్టార్ మా’ సంస్థ శాటిలైట్ హక్కులు దక్కించుకుంది. ఇంకా డబ్బింగ్ రైట్స్ పెండింగ్లో ఉన్నట్టు తెలుస్తుంది. ఏదేమైనప్పటికీ ఇది మంచి డీల్ అనే చెప్పాలి. ఎందుకంటే ‘రాబిన్ హుడ్’ (Robinhood) ఆడకపోయినా నితిన్ (Nithiin) సినిమాకి ఇలాంటి డీల్ అంటే చిన్న విషయం కాదు. శ్రీరామ్ వేణు (Venu Sriram) ట్రాక్ రికార్డ్ బాగుండటం, దిల్ రాజు ‘సంక్రాంతికి వస్తున్నాం’ తో ఫామ్లోకి రావడం ‘తమ్ముడు’ బిజినెస్ కి హెల్ప్ అయినట్లు అర్థం చేసుకోవచ్చు.

‘కన్నప్ప’ ఓటీటీ మంచు విష్ణు క్లారిటీ ఇది