మలయాళం, తమిళ చిత్రాలలో నటించి ప్రేక్షకులను మెప్పించిన హీరోయిన్ నివేత థామస్. రీసెంట్ గా నాని సరసన ‘జెంటిల్ మన్’ సినిమాలో నటించి తెలుగు ప్రేక్షకులను కూడా తన నటనతో కట్టిపడేసిన ఈ భామ ఏకంగా ఎన్ఠీఆర్ సినిమాలో నటించే అవకాశం కొట్టేసిందట. ప్రస్తుతం ఎన్ఠీఆర్ నటిస్తోన్న ‘జనతా గ్యారేజ్’ సినిమా షూటింగ్ చివరి దశకు చేరుకుంది. దీంతో తన తదుపరి చిత్రానికి సన్నాహాలు జరుగుతున్నాయి. వక్కంతం వంశీ దర్శకత్వం వహిస్తోన్న ఈ చిత్రాన్ని కళ్యాణ్ రామ్ ఎన్ఠీఆర్ ఆర్ట్స్ బ్యానర్ పై నిర్మించనున్నాడు.
ఈ సినిమాలో కథానాయిక పాత్రకు చాలా ఇంపార్టన్స్ ఉంటుంది. నటన పరంగా కూడా ప్రాముఖ్యత ఉన్న పాత్ర కావడంతో ఎవరిని తీసుకోవాలని ఆలోచిస్తున్న సమయంలో జెంటిల్ మన్ సినిమాలో నివేత ను చూసి తననే హీరోయిన్ గా తీసుకోవాలని భావిస్తున్నారట. ఎన్ఠీఆర్ కు సైతం నివేత నటన నచ్చడంతో తననే హీరోయిన్ గా తీసుకోమని చెప్పాడట. వక్కంతం వంశీ , నివేత కు కథ చెప్పడం, దానికి ఆమె ఒకే చెప్పడం జరిగిపోయాయని సమాచారం. మొత్తానికి చేసింది ఒక్క సినిమా అయినా.. ఎన్ఠీఆర్ సరసన ఛాన్స్ కొట్టేసింది ఈ లక్కీ బ్యూటీ.
