చిరు లెక్క ఎప్పుడు తేలుతుందో..!

మెగాస్టార్ చిరంజీవి 150వ సినిమా షూటింగ్ శరవేగంగా సాగుతోంది. తొలి షెడ్యూల్ పూర్తి కావచ్చింది. అయితే ఈ సినిమాకి ఇంకా హీరోయిన్ ఫైనల్ కాలేదు. మొదట అనుష్క పేరు అనుకొన్నప్పటికీ ఆమె కాస్త బిజీగా ఉండడం వలన డేట్స్ అడ్జస్ట్ చేయలేకపోయింది. ఆ తరువాత నయనతారను సంప్రదించగా అమ్మడు పెట్టిన కండీషన్స్ కు పక్కన పెట్టేశారు. రీసెంట్ గా బాలీవుడ్ భామ నర్గీస్ ఫక్రీనీ ఫైనల్ చేయాలనుకున్నారు.

అయితే మెగాభిమానులకు ఆ విషయం నచ్చకపోవడంతో ఆలోచనలో పడ్డ టీం జాక్వాలిన్ ను సంప్రదించారు. నిర్మాత రామ్ చరణ్, జాక్వాలిన్ కు ఉన్న క్రేజ్ దృష్ట్యా ఓ రెండున్నర కోట్లు అడుగుతుందని అంచనా వేశారు. తీరా చూస్తే ఈ భామ్ ఏకంగా 5 కోట్లు అడిగి అందరినీ షాక్ కి గురిచేసింది. ఈ విధంగా బాలీవుడ్ భామ మెగాహీరోకి షాక్ ఇచ్చింది. ప్రస్తుతం చిత్రబృందం తొలి షెడ్యూల్ వరకు హీరోయిన్ లేకుండా వున్న సీన్లు తీసేశారు. ఇప్పుడు రెండో షెడ్యూల్ కు హీరోయిన్ కావాలి. అయితే ఈ విషయంలో ఇప్పటికీ ఓ క్లారిటీ రాలేదు. మరి చిరు హీరోయిన్ లెక్క ఎప్పుడు తేలుతుందో మరి!