మహానటుడు నందమూరి తారకరామారావు లాగా అయన మనవడు ఎన్టీఆర్ తన నటనతో తెలుగు ప్రజల గుండెల్లో స్థానం సంపాదించుకున్నారు. సీనియర్ ఎన్టీఆర్ బాటలోనే నడుస్తున్న తారక్ ప్రస్తుతం మాట తీరుతో తోటి నటీనటులకు ఆత్మీయుడిగా మారుతున్నారు. హైదరాబాద్లోని ఇంటర్నేషనల్ కన్వెన్షన్ సెంటర్ ప్రాంగణంలో బుధవారం ఐఫా అవార్డుల ప్రదానోత్సవం వైభవంగా జరిగింది. ఈ వేదికపై ఎన్టీఆర్ ఉత్తమ నటుడిగా అవార్డు అందుకున్నారు. అనంతరం ఆయన మాట్లాడిన విధానం అందరినీ ఆకట్టుకుంది. ఈ అవార్డు తన ఒక్కరిదే కాదని, తనతో పాటు ఇక్కడ నామినేషన్ అందుకున్న ప్రతి హీరోకూ ఈ అవార్డు దక్కుతుందని అని ఎన్టీఆర్ చెప్పిన మాటలు తారల మనసులు గెలుచుకున్నాయి.
ఈ సందర్భంగా యాంకర్ గా వ్యవహరిస్తున్న రానా ఎన్టీఆర్ ని కొన్ని ప్రశ్నలు వేయగా అందుకు చక్కగా సమాధానం చెప్పారు. టాలీవుడ్లో అత్యంత అందగాడు మహేష్ బాబు అని స్పష్టం చేశారు. ఈ విషయంలో ఇంకో మాట లేదని కూడా అన్నారు. ఇక నటుడిగా నాని అంటే ఇష్టమని ఎన్టీఆర్ చెప్పారు. అంతేకాదు… వాయిస్ పరంగా రానా దగ్గుబాటి అంటే ఇష్టమంటూ తారక్ చెప్పడంతో ఉత్సవ ప్రాంగణం కరతాళధ్వనులతో నిండిపోయింది.
Also, do SUBSCRIBE to our YouTube channel to get latest Tollywood updates.
