ఎన్టీఆర్, విజయ్ సినిమాలపై మొదలయిన చర్చ

యంగ్ టైగర్ ఎన్టీఆర్ సినిమా మొదలు అనగానే అది రిలీజ్ అయ్యే వరకు దానిపై అభిమానుల్లో చర్చ జరుగుతూనే ఉంటుంది. తమిళ హీరో విజయ్ చిత్రంపై కూడా చర్చ జరగడం కామనే. కానీ వీరిద్దరి సినిమాలకు ముడిపెడుతూ ఓ రూమర్ హల్ చల్ చేస్తోంది. ప్రస్తుతం బాబీ దర్శకత్వంలో తారక్ ఓ సినిమా చేస్తున్నారు. ఎన్టీఆర్ ఆర్ట్స్ బ్యానర్లో నిర్మితమవుతున్న ఇందులో ఎన్టీఆర్ మూడు పాత్రల్లో కనిపించనున్నారు. తండ్రిగా, ఇద్దరు కొడుకులుగా వైవిధ్యమైన నటనను ప్రదర్శించనున్నారు. ఇక తమిళ హీరో విజయ్ కూడా ఇప్పుడు అట్లీతో ఓ సినిమాను చేయనున్నారు. ఇందులో విజయ్ త్రిపాత్రాభినయం చేస్తున్నట్లు బయటికి వచ్చింది.

అంతేకాదు .. ఆ మూడు పాత్రలు ఎన్టీఆర్‌ సినిమాలోని విధంగా.. తండ్రి, ఇద్దరు కొడుకులుగా ఉంటుందంట. ఈ పోలికే చర్చకు దారి తీసింది. అంతేకాదు  విజయ్ సినిమాకు రాజమౌళి తండ్రి విజయేంద్ర ప్రసాద్ కథను అందించడం కొత్త సందేహాలకు అవకాశాన్ని కల్పించాయి. విజయేంద్ర ప్రసాద్ రాసిన కథే తెలుగులో ఎన్టీఆర్, తమిళం లో విజయ్ చేస్తున్నారని టాలీవుడ్ వర్గాలవారు చెప్పుకుంటున్నారు. ఈ వార్తలో ఎంత నిజముందో త్వరలో తెలియనుంది.

Also, do SUBSCRIBE to our YouTube channel to get latest Tollywood updates.