ఓవర్సీస్ లో సూపర్ స్టార్ రికార్డుని బద్దలు కొట్టిన ఎన్టీఆర్

కొరటాల శివ దర్శకత్వంలో యంగ్ టైగర్ ఎన్టీఆర్ నటించిన “జనతా గ్యారేజ్” తెలుగు సినిమాల రికార్డు లన్నింటికీ రిపేర్ చేస్తోంది. సెప్టెంబర్ 1వ తేదీన ప్రేక్షకుల ముందుకు వచ్చిన ఈ సినిమా అత్యంత వేగంగా 50,100,125 కోట్ల క్లబ్ లో చేరి కొత్త రికార్డులు నెలకొల్పింది. మలయాళ సూపర్ స్టార్ మోహన్ లాల్ కీలక పాత్ర పోషించిన ఈ చిత్రం తెలుగు రాష్ట్రాలతో పాటు విదేశాల్లోనూ కలక్షన్ల వర్షం కురిపిస్తోంది. సూపర్ స్టార్ మహేష్ బాబు చిత్రాలు ఓవర్సీస్ లో మంచి కలక్షన్లను రాబడుతుంటాయి.

ప్రిన్స్ నటించిన  ”సీతమ్మ వాకిట్లో సిరిమల్లె చెట్టు ” చిత్రం ఓవర్సీస్ మార్కెట్ లో 10. 95 కోట్లు సాధించి అప్పట్లో సంచలనం సృష్టించింది. ఆ తర్వాత ఆ మార్కుని దాటుకుంటూ బాహుబలి, శ్రీమంతుడు మొదటి, రెండవ స్థానాల్లో నిలబడ్డాయి. దీంతో ‘సీతమ్మ వాకిట్లో సిరిమల్లె చెట్టు ” ఆరవ స్థానానికి వెళ్లింది. నెలరోజులకు 12 కోట్లు వసూలు చేసి ఆ పొజిషన్ ని జనతా గ్యారేజ్  సొంతం చేసుకుంది. మరికొన్ని రోజుల్లో టాప్ 3 జాబితాలో చేరుతుందని ఓవర్సీస్ ట్రేడ్ వర్గాల వారు చెబుతున్నారు.