జనతా గ్యారేజ్ బుల్లెట్ అందుకున్న రాజ్ కుమార్

కొరటాల శివ దర్శకత్వంలో వచ్చిన జనతా గ్యారేజ్ లో యంగ్ టైగర్ ఎన్టీఆర్ నడిపే బుల్లెట్ యువతను బాగా ఆకర్షించింది. ఆ బుల్లెట్ సొంతం చేసుకోవాలంటే మా పోటీల్లో పాల్గొనాలని చిత్ర బృందం అప్పట్లో ఓ పోటీని నిర్వహించింది. అందులో గెలిచిన వారికి కీచైన్స్, చాకోలెట్స్ వంటి చిన్న చిన్న బహుమతులే కాకుండా తారక్ నడిపిన బైక్ ని అందిస్తామని వెల్లడించింది. చెప్పిన మాట ప్రకారం ఇందులో గెలిచినా ప్రతి ఒక్కరికి కానుకలను అందజేసింది. ఎన్టీఆర్ తో కలిసి ఫోటోలను కూడా తీసుకునే అవకాశాన్ని కల్పించింది. తాజాగా  జనతా గ్యారేజ్ బుల్లెట్ గెలుచుకున్న విజేత పేరుని ప్రకటించింది. నల్లగొండ కు చెందిన రాజ్ కుమార్ రెడ్డి కి ఈరోజు హీరో ఎన్టీఆర్, డైరక్టర్ కొరటాల శివ బుల్లెట్ వాహనాన్ని అందజేశారు.

తన అభిమాన హీరో చేతుల మీదుగా ఇష్టమైన బుల్లెట్ ని తీసుకున్నందుకు చాలా ఆనందంగా ఉందని, ఈ రోజుని జీవితంలో మరిచిపోలేననని రాజ్ కుమార్ మీడియాకి చెప్పారు. ఈ అవకాశం కల్పించిన చిత్ర బృందానికి కృతజ్ఞతలు తెలిపారు. బాబీ దర్శకత్వంలో రానున్న సినిమా కోసం మేకోవర్ పై దృష్టిపెట్టిన తారక్, అభిమానులను కలుసుకోవడానికి సమయాన్ని వెచ్చించారు. ఫ్యాన్స్ తో గంటకు పైనే మాట్లాడి సరదాగా గడిపారు.

Also, do SUBSCRIBE to our YouTube channel to get latest Tollywood updates.