సినిమా చేస్తానని బాబీకి మాట ఇచ్చిన తారక్!

యంగ్ టైగర్ ఎన్టీఆర్ ఫుల్ జోష్ లో ఉన్నారు. హ్యాట్రిక్ విజయాన్నీ ఆనందిస్తున్నారు. ఆయన మరోసారి ఓటమనే పదాన్ని వినడానికి ఇష్టపడడం లేదు. పూర్తి నమ్మకం ఇచ్చిన స్క్రిప్ట్ కోసం గాలిస్తున్నారు. ఒక్క సీన్ నచ్చక పోయిన మార్పులు చూయిస్తున్నారు. డిఫరెంట్ కాన్సెప్ట్ తో ప్రెష్ స్టోరీ లైన్ వినిపిస్తే ఏ డైరక్టర్ తోనైనా పని చేయడానికి సిద్ధమవుతున్నారు.

ఈ క్రమంలోనే ఆయన యువ దర్శకుల కథలను ఓపికగా వింటున్నారు. రీసెంట్ గా దర్శకుడు బాబీ తారక్ కు ఒక కథ చెప్పినట్లు తెలిసింది. మాస్ మహారాజ్ రవితేజ తో పవర్ అనే బ్లాక్ బస్టర్ తీసిన ఈ డైరక్టర్, ఆ తర్వాత సర్ధార్ గబ్బర్ సింగ్ తో అపజయాన్ని ఎదుర్కొన్నారు. దీంతో హిట్ కొట్టాలని కసితో తయారు చేసిన కథ ఎన్టీఆర్ కి భలే  నచ్చిందంట. పూర్తి స్క్రిప్ట్ తో రమ్మని ప్రోత్సహించడంతో బాబీ ఎంతో ఆనందంతో వర్క్ లో పడినట్లు ఫిలిం నగర్ వర్గాల వారు చెబుతున్నారు.

స్క్రిప్ట్ బాగా వస్తే సినిమా చేస్తానని మాట కూడా ఇచ్చినట్లు వివరించారు. ప్రస్తుతం డిప్రెషన్లో ఉన్న డైరెక్టర్లకు పవర్ ఇస్తూ తారక్ సినీ వర్గాల్లో మరింత మంచి పేరును సంపాదించుకుంటున్నారు.