అనిల్ రావిపూడికి గ్రీన్ సిగ్నల్ ఇచ్చిన ఎన్టీఆర్..?
November 14, 2016 / 10:36 AM IST
|Follow Us
‘జనతా గ్యారేజ్’ సినిమా తెరమీదికొచ్చి రెండు నెలలు దాటింది. ఎన్టీఆర్ కెరీర్ లోనే హయ్యెస్ట్ కలెక్షన్స్ రాబట్టిన చిత్రంగా రికార్డులకెక్కిన ఈ సినిమా తర్వాత ఎన్టీఆర్ చేయబోయే సినిమా ఏంటని అనుకోని అభిమాని లేడు. అదేవిధంగా పరిశ్రమలోని పలువురు దర్శకులు ఇదే ఊపులో ఎన్టీఆర్ తో సినిమా చేయటానికి ప్రయత్నాలు జరిపారు. ఎన్టీఆర్ కూడా ఓపిగ్గా కథలు విన్నాడే కానీ తన నిర్ణయం ఏమిటన్నది ఎవరితోను చెప్పలేదు. అయితే తారక్ బయటకు పొక్కటం లేదుగానీ ఓ దర్శకుడి కథతో సినిమా సెట్స్ పైకి సినిమాలు తీసుకెళ్లే పనిలో నిమగ్నమైఉన్నాడట.
ఎన్టీఆర్ కి కథలు వినిపించిన దర్శకులలో యువ దర్శకుడు అనిల్ రావిపూడి ఒకరు. హీరో పాత్ర అంధుడిగా ఉండే ఈ కథ ముందు రామ్ కి వినిపించగా ఒకే అని చెప్పినట్టే చెప్పి చివర్లో సైడైపోయాడు. అయితే అనిల్ మాత్రం వెనక్కి తగ్గకుండా అదే కథని ఎన్టీఆర్ వద్దకు తీసుకొచ్చాడు. కథ నచ్చి ఇంప్రెస్ అయిన ఎన్టీఆర్, వరుస అనిల్ సినిమాల విజయాలు చూసి అతడికే ఛాన్స్ ఇచ్చాడట. అందుకోసం ఓ కొత్త లుక్ కోసం ట్రై చేస్తున్న ఎన్టీఆర్ మెలితిరిగిన గుబురు మీసాలతో నిన్న జరిగిన ఓ ప్రయివేట్ ఫంక్షన్ లో పాల్గొని అందరినీ ఆశ్చర్యంలో ముంచెత్తాడు. అలా ఎన్టీఆర్-అనిల్ రావిపూడి సినిమా ఖాయమైందన్న వార్త ఆ నోటా ఈ నోటా పాకి ఫిల్మ్ నగర్ అంతటా విస్తరించింది. కానీ దీనిపై ఇటు అనిల్ నుండి అటు ఎన్టీఆర్ నుండి ఎలాంటి ప్రకటన చేయలేదు.
Also, do SUBSCRIBE to our YouTube channel to get latest Tollywood updates.