“అ” అక్షరంతోనే ఎన్టీఆర్ టైటిల్ ఫిక్స్ చేసిన త్రివిక్రమ్

సినీ ప్రముఖుల్లో చాలా మందికి ఉన్నట్టే త్రివిక్రమ్ శ్రీనివాస్ కి ఓ సెంటిమెంట్ ఉంది. అదే “అ” అక్షరం. ఆ అక్షరంతో సినిమా టైటిల్ పెడితే సూపర్ హిట్ అవుతుందని అతని గట్టి నమ్మకం. త్రివిక్రమ్ దర్శకత్వంలో వచ్చిన “అతడు” సినిమా సంచలన విజయం సాధించింది. తెలుగు చిత్ర పరిశ్రమకి మరో గొప్ప దర్శకుడు దొరికాడని అప్పుడు అందరూ చెప్పుకున్నారు. ఆ తర్వాత “అత్తారింటికి దారేది” అనేక రికార్డులను తిరగరాసింది. ఆ తర్వాత వచ్చిన “అ..ఆ” కూడా ఎక్కువ లాభాలను తెచ్చిపెట్టింది. ఆ సెంటిమెంట్ తోనే ఆయన గత చిత్రానికి అజ్ఞాతవాసి అని టైటిల్ పెట్టారు. ఫెయిల్ అయింది.

అయినా తన సెంటిమెంట్ ని వదులుకోలేదు. తాజాగా ఎన్టీఆర్ తో తెరకెక్కిస్తున్న సినిమాకి అ అక్షరంతోనే పేరు పెట్టినట్లు తెలిసింది. మొదట అసామాన్యుడు అని టైటిల్ పరిశీలించినప్పటికీ.. చివరకి “అరవింద సమేత రాఘవ” అనే టైటిల్ ని ఫిక్స్ చేసినట్లు ఫిలిం నగర్ వాసులు చెప్పారు. ఈ పేరుతోనే ఈ రోజు  4 గంటల 50 నిముషాలకి ఫస్ట్ లుక్ రిలీజ్ చేయనున్నారు. ఈ ఫస్ట్ లుక్ లో రెండు స్టిల్స్ రిలీజ్ చేయనున్నట్లు సమాచారం. ఒకటి ఎన్టీఆర్ సింగిల్ గా ఉండేది.. మరొకటి పూజ హెగ్డేతో ఎన్టీఆర్ కలిసి ఉన్న స్టిల్స్ విడుదల చేయనున్నట్టు టాక్. ఈ స్టిల్స్ తో రేపు ఎన్టీఆర్ పుట్టినరోజుకి కటౌట్ లను అభిమానులు ఏర్పాటు చేయనున్నారు. హారిక అండ్ హాసిని క్రియేషన్స్ బ్యానర్లో రాధాకృష్ణ నిర్మిస్తున్న ఈ మూవీపై అంచనాలు భారీగా ఉన్నాయి.