యంగ్ టైగర్ ఎన్టీఆర్ కొరటాల శివ కాంబోలో మూవీ అని వార్తలు ప్రచారంలోకి వచ్చిన సమయంలో మొదట ఈ సినిమాలో కియారా అద్వానీ పేరు హీరోయిన్ గా వినిపించింది. టాలీవుడ్ ఇండస్ట్రీకి కియారా అద్వానీని పరిచయం చేసిన డైరెక్టర్ కొరటాల శివ కావడంతో ఈ సినిమాలో కియారా అద్వానీనే హీరోయిన్ గా ఫైనల్ అవుతుందని చాలామంది భావించారు. అయితే ఎవరూ ఊహించని విధంగా ఆ తర్వాత అలియా భట్ పేరు వినిపించింది.
అలియా భట్ సైతం ఈ సినిమాలో తాను నటిస్తున్నానని కన్ఫామ్ చేసి ఊహించని విధంగా ఈ సినిమా నుంచి తప్పుకున్నారు. ఆ తర్వాత ఈ సినిమాలో ఎంతోమంది హీరోయిన్ల పేర్లను పరిశీలించినా బాలీవుడ్ హీరోయిన్ ను ఈ సినిమాలో ఎంపిక చేస్తే బాగుంటుందని కామెంట్లు వ్యక్తమయ్యాయి. అయితే ఎన్టీఆర్ కు సరైన జోడీని ఎంపిక చేయడంలో మేకర్స్ విఫలవుతున్నారు. చివరకు కియారా అద్వానీనే ఈ సినిమాలో ఎంపికైందని ఇండస్ట్రీలో వినిపిస్తోంది.
ఈ సినిమాలో హీరోయిన్ గా మొదట వినిపించిన పేరునే చివరకు ఫైనల్ చేశారని సమాచారం అందుతోంది. ఎన్టీఆర్ కియారా అద్వానీ జోడీ బాగుంటుందని అభిమానులు సైతం భావిస్తున్నారు. అయితే మేకర్స్ నుంచి అధికారికంగా క్లారిటీ వస్తే మాత్రమే కియారా అద్వానీ ఈ సినిమాలో నిజంగా నటిస్తారో లేదో తెలియనుంది. భారీ బడ్జెట్ తో తెరకెక్కనున్న ఈ సినిమా ఆగష్టు నుంచి సెట్స్ పైకి వెళ్లనుంది.
వేగంగానే ఈ సినిమా షూటింగ్ ను పూర్తి చేయాలని మేకర్స్ భావిస్తున్నారని సమాచారం. వచ్చే ఏడాది ఫస్టాఫ్ లో ఈ సినిమా రిలీజ్ కానుంది. అనిరుధ్ ఈ సినిమాకు మ్యూజిక్ అందిస్తున్నారు. యంగ్ టైగర్ కెరీర్ లో బిగ్గెస్ట్ హిట్ గా ఈ సినిమా నిలుస్తుందని ఫ్యాన్స్ భావిస్తున్నారు. స్టార్ హీరో ఎన్టీఆర్ తర్వాత ప్రాజెక్ట్ లతో కూడా బాక్సాఫీస్ వద్ద సంచలనాలు సృష్టిస్తారేమో చూడాల్సి ఉంది.
Most Recommended Video
విక్రమ్ సినిమా రివ్యూ & రేటింగ్!
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!
Home