Obulamma Song: ‘కొండపొలం’ నుండీ ఆకట్టుకుంటున్న వీడియో సాంగ్..!

‘ఉప్పెన’ వంటి బ్లాక్ బస్టర్ తర్వాత వైష్ణవ్ తేజ్ నుండీ రాబోతున్న చిత్రం ‘కొండపొలం’. క్రిష్ జాగర్లమూడి ఈ చిత్రానికి దర్శకుడు. ‘ఫస్ట్ ఫ్రేమ్ ఎంటర్టైన్మెంట్స్’ బ్యానర్ పై వై.రాజీవ్ రెడ్డి, జె.సాయి బాబు కలిసి ఈ చిత్రాన్ని నిర్మిస్తున్నారు. ఈ మధ్యనే విడుదల చేసిన ఫస్ట్ లుక్ మరియు గ్లిమ్ప్స్, హీరోయిన్ రకుల్ ఫస్ట్ లుక్ కు మంచి స్పందన లభించింది. తాజాగా ఈ చిత్రం నుండీ ‘ఓబులమ్మా’ అనే వీడియో సాంగ్ ను కూడా విడుదల చేశారు.

ప్రమోషన్లలో భాగంగా ఈ పాటని విడుదల చేసినట్టు స్పష్టమవుతుంది. కీరవాణి ఈ చిత్రానికి సంగీత దర్శకుడు. ఈ పాటకి ట్యూన్ తో పాటు లిరిక్స్ కూడా ఆయనే అందించడం విశేషం. సత్య యామిని, పి.వి.ఎన్.ఎస్ రోహిత్ లు కలిసి ఈ పాటని ఆలపించారు. వినడానికే కాకుండా చూడడానికి కూడా ఈ పాట బాగుంది. రకుల్ లుక్ కూడా చాలా బాగుంది. లంగా వోణిలో ఓ పల్లెటూరి అమ్మాయిలా ఆమె కనిపిస్తుంది.ఆమె పలికించిన హావ భావాలు కూడా బాగున్నాయి. వైష్ణవ్ లుక్స్ అండ్ స్క్రీన్ ప్రెజెన్స్ కూడా బాగుంది.

రకుల్, వైష్ణవ్ ల పెయిర్ కూడా ఫ్రెష్ గా బాగుంది. సినిమా పై ఈ పాట అంచనాలను పెంచే విధంగానే ఉందని చెప్పాలి. అక్టోబర్ 8న ఈ చిత్రం విడుదల కాబోతుంది. ‘ఉప్పెన’ తో స్ట్రాంగ్ హిట్ కొట్టిన వైష్ణవ్ ఈ మూవీతో మరో హిట్టు అందుకోవడం ఖాయం అని ప్రేక్షకులు కామెంట్లు పెడుతున్నారు. ఈ పాటని మీరు కూడా ఓసారి చూసెయ్యండి :

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!